Ni Ká No Ri Nga Ngbà?
Ni ká zøe i cho dhi Dzamu dhi Munara nǎ lo bblo ngbà? Anja ni ká ka ni ngʉ i logoti ngbà ma nari:
Ko ká ka ko ba ko kobe ngbaribbai njati ko di saa ba ko tilo Yova na, ko rr ke chu ndirigoti ko ddinga ke djo ró?
Ko si longavʉ bblo, ko si ngʉ bblo kʉ ná walimu, ko sie kpakpa kʉ ná udha na ndirigoti Yova djo ko kʉ na ná jidha si dhidhi.—w22.01, paje 30-31.
Ko tsotso ká si koni ngbaribbai njati ko li ko thí Yova ma, chutso ddadha dho ke li ná kpa ma na djo ró?
Kpadjo i kʉ ngbaribbai ma ringani ko chulo ko ka ko li ko thí Yova adi lo nji na ná chu djo ná saa, nzɨ ko ra njonjo wazee dhó chutso ddadha ma, kpadhó longavʉdha ma na ró ro nari chulu. Bbo mbudha tso si ngani ná saa na, ko si kʉ e tayari ko rrnga lojadha dho ri di njani nzá ko ka ko famu inga nga kʉ d’ʉ nari bbai ma ri ró.—w22.02, paje 4-6.
Malaika tingʉe lo Zekaria dho “[Guvernere] Zerubabeli thó thi kʉ ná ritsi dzá danga le ddi na ná mbi djo,” ná føri na ká ke ngʉ ji ndi ddi ngbá lo nga? (Zek. 4:8-10)
Fø maono ngʉ ridho Mungu dzá ndrŭ dho nari kʉ, kpa ngʉ chi ná fø ø hekalu ró ritsi tso ka ndi kae ka ndirigoti ri ka ndi gbaeni gba Mungu dhó kanuni na.—w22.03, paje 16-17.
Ko ká ka ko é ngbaribbai “bblo loroji . . . lotidha kana”? (1 Ti. 4:12)
Ringani ko tilo hwè na ndirigoti heshima na lod’radha dhi njí kana, ko ngo dyi ko thí nǎ ro krʉ, ko di komatere bbʉ bí ina njudha dhi ngana, ko di bbʉbbʉ lo ti, ko di nja ndrŭ li kpakpa ndirigoti ko pʉ che kʉ ná lotidha.—w22.04, paje 6-9.
Ká addudho Danieli sura 7 nǎ le tilo djo ná tho kʉ ná za (pidhinga) djo le po ná lo ma tso njunju Ufunuo 13:1, 2 nǎ le tilo djo ná ddikpa zǎ na?
Ufunuo sura 13 nǎ le tilo djo ná zǎ nzɨ ddikpa pidhinga dhé dhǒ ri. Loroji na Roma ro mai ri. Ro, ri ndrŭ dhó historia tso ngani ná nga djó ro nyo pi ndrŭ tsɨ djo ná guvernema dhǒ.—w22.05, paje 9.
Ko li ko thí ngbà Mungu adi chølo nji nari djó nari ká ko ka ko dhǒ bbo na mana kʉ ná ngbá chu lu?
Njati ddikpa ke dhu ko inga ke njí che kʉ ná lo ko ró ro, ko adi kpakpanga nji ko pʉ thø ma, lo le li le thí na nari ma na ko ró ro ndirigoti ko bbá lo Yova thó thi na. Ke si chenga bbʉ ná kpakpalo krʉ sisi.—w22.06, paje 10-11.
Njudha dhi ngana sala nji ná le-djo dho ká ringani ndi nó ngbá lo nga?
Sala nga kʉ shauri le bbʉ kutaniko nǎ ndrŭ dho inga matangazo le d’ra ná saa ri. Bbo na mana kʉ nari kʉ njudha tso ngani ná saa na, ri nzá ngani le “tilo bbo” sala nǎ ri. (Mt. 6:7)—w22.07, paje 24-25.
“Chelo njingʉe ná ndrŭ” ká si “lod’idha dhi gadha ba” ngbaribbai? (Yoh. 5:29)
Kpa djo nzɨ le si kʉ lod’i che anziro kpa ngʉe shi ro kpa njingʉe ná lo ró ro ri. Ro, kpadhó longa le si kʉ ne ga kpa ga nari goti kpadhó nganjadha ma, kpadhó nyi ma na kʉ nari ró ro.—w22.09, paje 18.
Cho 1922 nǎ Bi 9 nǎ dangʉe ná asamble nǎ ká J. F. Rutherford pongʉe bbo ka ndi lø le thí ronga ná ngbá lo?
États-Unis nǎ, Ohio nǎ Cedar Point nǎ, dangʉe ná asamble nǎ ke pongʉeri i: “Pi kʉ nì ndi pinyo ro! Ni kʉ kedhó propagande nji ná kpa. Føri dho, anid’ra, anid’ra, anid’ra Pi ma ndidhó Pidhinga ma na!”—w22.10, paje 3-5.
Isaya sura 30 ká d’ra nja ko ve ngatso d’e, Mungu adi ko tsotso kó chulu ná gbo kʉ ná ngbá chu?
Fø sura d’rari nari kʉ, ke adi (1) kodhó sala rr ndirigoti ri goti ngʉngʉ, (2) chutso ddadha bbʉ ko dho ndirigoti (3) ko ronga le njʉ ndirigoti ke si ri nji fø gosi ná saa na.—w22.11, paje 9.
Ká addudho ko ka ko pori nari kʉ, Zaburi 37:10, 11, 29 nǎ kʉ ná lo njingʉeni drrdrr ndirigoti ri ki si njini gosi ná saa na maddi?
Ngbaribbai ma Waisraeli dhó hali ngʉe Sulemani dhó Pidhinga tsena, nari ke Daudi ndingʉe ná fø lo dhǒ bblo pli. Yesu tingʉe lo gosi ná Paradiso djo ndirigoti ke pongʉe mustari 11 nǎ kʉ ná lo. (Mt. 5:5; Lu. 23:43)—w22.12, paje 8-10, 14.