Cili Anga Nciloto Ciyuminisha Lushomo

9:1-7

Amuyeeyebo Yesu mbwaakalinyumfwa Baishi bakwiculu ndyebakaambilisha ayi balikondetwe anguwe ciindi ndyebakamutondesha cili anga nciloto. Cakutatoonsha ici cilyeelete cakamucafwa kuliyumya amapensho ngakalinga kusa mukwiindaamo. Cili anga nciloto ici cakayumya Pita, Jemusi, a Joni. Cakabacafwa kushinisha kwaamba ayi ncakwiila Yesu wakalinga Mesiya, alimwi akwaamba ayi bakacita kabotu kumunyumfwila. Ndipakeenda myaaka 32, Pita wakebaluka shakacitika amboshakayuminisha lushomo lwakwe “mumaswi abushinshimi.”—2 Pita 1:16-19.

Nabi kwaamba ayi tatukwe kucibonaawo cili anga nciloto ici cikankamika, tutoobona mbocitokumanishikwa. Yesu atokweendelesha kwiculu mbuli Mwaami shinkusu. Conoonobo, ‘alaakukoma cakumaninina,’ akucalula nshila ya cishi cipya cabululami.—Ciyu. 6:2.

Ino kukumanishikwa kwa bushinshimi bwamu Baibo kwayumya buyani lushomo lwanu?