“Lesa Ncakabika Pantu Pomwi . . .”

Kweelana amulawo wakwe Mose musankwa usuni kuleka mukaakwe wakalinga kweelete kubamba cipepa cakulekana. Ici cakalinga kucafwa kwaamba ayi bantu batanocicila kulekana nabi patapuwo amulandu. Nacibi boobo, muciindi cakwe Yesu, bamatanjilili beshibupailishi bakauubisha mulawo uyu. Basankwa bakalinga kuleka bamakaabo pamulandu uli woonse. (nwtsty makani acafwa kwiiya Maako 10:4, 11) Palilembo lyakwe Maako 10:2-12, Yesu wakatondesha ayi cikwati cakabikwa a Yehova. Musankwa amwanakashi bakalinga kweelete kuba “mubili womwi” ndyebeebana. Mulandu womwibo weenka usuminisha kulekana kweelana aMalembo, ngulya ngwakalemba Mateyo ayi, sombibo na umwi ‘wacita bulale.’—Mate. 19:9.

Munshiku shino, bantu baanji balabona shikwati bweenka mbuli baFalisi, kuteshi mbuli Yesu. Bantu bakucishi balacicila kulekana na bacanabo mapensho mucikwati. Mubupusano, Beneklistu beebene balicishi kwaamba ayi cishomesho ca mucikwati cilicindeme, aboobo baleelesha kukoma mapensho kwiinda mukusebensesha njiisho shamu Baibo. Pesule lyakweebela vidyo icite mutwi utokwaamba ayi Lusuno Abulemu Shilacatanya Mikwashi, amubandike miipusho iyi itokonkaawo:

• 

  Ino lilembo lya Tushimpi 15:1 inga mwalisebensesha buyani mucikwati alimwi nceebonshi ncociyandikila?

• Ino inga mwaleya buyani mapensho kwiinda mukusebensesha lilembo lya Tushimpi 19:11?

• Muciindi cakuliipusha ayi, ‘Sa tulekanebo?’ ino njimiipusho nshi njomweelete kuyeeyawo na shintu tashitokweenda kabotu mucikwati canu?

• Ino lilembo lyakwe Mateyo 7:12 inga lyamucafwa buyani kuba musankwa weebete na mwanakashi weebetwe uli kabotu?