Amuyumye Lushomo Muli Yehova a Yesu Kwiinda Mukusebensesha Libuku lya Amusangalale Abuumi Kwamuyayaya!

Beshikwiiya Baibo balyeelete kuba alushomo luyumu kwaamba ayi basangalashe Lesa. (Ebu 11:6) Inga twacafwa beshikwiiya Baibo besu kuyumya lushomo lwabo, kwiinda mukusebensesha libuku lya Amusangalale Abuumi Kwamuyayaya! Mulibuku ili muli malembo ayandika abuumbi, makani oobu kunyumfwisha, miipusho icafwa bantu kuyeeyawo, mavidyo acafwa kucitawo comwi alimwi ashikope shibotu abuumbi. Na twacafwa beshikwiiya Baibo kuba amibo ya Bwineklistu alimwi akuba abushicibusa a Lesa, nkokwaamba ayi tutoyaka ashintu shitapyi kumulilo.​—1Ko 3:12-15.

Bantu bamwi balabona ayi inga tacikonsheki kuba bushicibusa a Lesa ngobataboni. Aboobo tulyeelete kubacafwa kushiba Yehova akumushoma.

AMWEEBELE VIDYO ICITE MUTWI UTOKWAAMBA AYI AMUYUMYE LUSHOMO MULI YEHOVA KWIINDA MUKUSEBENSESHA LIBUKU LYA “AMUSANGALALE ABUUMI KWAMUYAYAYA!” LYALO AKUKUMBULA MIIPUSHO ITOKONKELAAWO:

• Ino tulishi buyani ayi nankashi wakalibambila kabotu kutanjilila ciiyo?

• Ino wasebensesha buyani miipusho aimwi kwaamba ayi acafwe shikwiiya kwaamba mbwaatoyeeya alimwi ambwatolinyumfwa pamakani ngotucana pa Isaya 41:10, 13?

• Ino vidyo alimwi a lilembo shamucafwa buyani shikwiiya?

Bantu baanji tabanyumfwishishi makani acilubula alimwi tababoniiwo ayi ncipo Lesa ncaakabapa. (Ga 2:20) Aboobo tulyeelete kubacafwa kuyumya lushomo lwabo mucilubula cakwe Yesu.

AMWEEBELE VIDYO ICITE MUTWI UTOKWAAMBA AYI AMUYUMYE LUSHOMO MULI YESU KWIINDA MUKUSEBENSESHA LIBUKU LYA “AMUSANGALALE ABUUMI KWAMUYAYAYA!” LYALO AKUKUMBULA MIIPUSHO ITOKONKELAAWO:

• Ino tulishi buyani ayi mukwesu walibambila kabotu kutanjilila ciiyo?

• Ino wasebensesha buyani makani ali palubasu lwa “Amulangweteewo Ashimwi” kwaamba ayi acafwe shikwiiya?

• Ino nceebonshi kupaililaako shikwiiya kulayandika abuumbi?