Amusebenseshe Buloshuwa na Libuku lya Amusangalale Abuumi Kwamuyayaya! Muncito Yakushimikila

Tulisangalete kuba abuloshuwa alibuku lipya ndyeshi tunoosebensesha kwiisha bantu Baibo! Mupailo wesu ngwakwaamba ayi Yehova atupe shoolwe ndyetutookweelesha cankusu kucafwa bantu kuba bashikwiiya. (Mt 28:18-20; 1Ko 3:6-9) Ino shisebensesho ishi shipya inga twashisebensesha buyani?

Mukwiinga libuku lya Amusangalale Abuumi Kwamuyayaya! libuku licafwa bantu kwiiya Baibo, lyakabambwa munshila ipya yakwiisha, amukonkele shakucita shitokonkelaawo ndyemutoolibambila andyeemutotanjilila shiiyo sha Baibo.a

• Amubelenge makani ali muciiyo, lyalo akubandika miipusho

• Amubelenge malembo alembetwe ayi “amubelenge” lyalo akucafwa shikwiiya kunyumfwisha mbweenga amucafwa

• Amutondeshe mavidyo lyalo akubandika miipusho iliiwo

• Amweeleshe kumanisha ciiyo comwi paciindi comwi

Ndyemuli muncito yakushimikila, amutaangune kwaabila buloshuwa kwaamba ayi mushibe na muntu inga wasuna kwiiya. (Amubone kabokosi kacite mutwi utokwaamba ayi “Mbweenga Mwaabila Buloshuwa ya Amusangalale Abuumi Kwamuyayaya! Palweendo Lwakutaanguna.”) Na mwamanisha kwiiya mu buloshuwa lyalo shikwiiya alisuni kutolelela kwiiya, amumwaabile libuku lyalo akutolelela kumwiisha muciiyo 04. Na kuli ngomwiisha mulibuku lya Baibo ilaiisha na mulibuku lya Mbweenga Mwatolelela Kusuna Lesa, amutalike kumwiisha mulibuku lya Amusangalale Abuumi Kwamuyayaya! akubona ciiyo mpeenga mwatalikila kumwiisha.

AMUTONDESHE VIDYO ICITE MUTWI UTOKWAAMBA AYI TWAMUTAMBULA KUCIIYO CA BAIBO, AKUBANDIKA MIIPUSHO ITOKONKELAAWO:

• Ino abo mbomwiisha balaakwiiya nshi mulibuku lipya?

• Ino nceebonshi abo mbomwatalika kwiisha mulyeelete kubatondesha vidyo iyi?

• Ino nshiinshi abo mbomwiisha Baibo nsheenga mwabayuminisha kukumanisha? (Amubone caati ilembetwe ayi “Nsheshi Mwiiye Alimwi a Nsheenga Mwaciita Mulubasu Luliloonse.”)