Mbweenga Mwasebensesha Buloshuwa ya—Amukutike Kuli Lesa

Buloshuwa ya Amukutike kuli Lesa yakabambilwa kwiisha cancine camu Baibo kubaabo batacishi kubelenga kabotu. Mapeeji obilo ali woonse alicite shikope shakabambwa kabotu sheenga shamucafwa ndyemutokwiisha, shikope shililembetwe akatondesho kacafwa kushiba cikope citokonkaawo ndyemutokwiisha.

Buloshuwa ya Amukutike kuli Lesa Akukala Muyayaya ayalo ilicite shikope shomwi shomwi bweenka mbuli Amukutike kuli Lesa, ono yalo ilicite maswi aanji alimwi inga mwaisebensesha na mulicite shikwiiya ucishi kubelenga. Beshikushimikila bamwi balasala kwiisebensesha ndyebatokwiisha, lyalo shikwiiya wabo kaasebensesha Amukutike kuli Lesa. Mapeeji aanji alicite kabokosi kacite makani aamwi ngeenga mwabandika kweelana ansheenga shikwiiya wacikonsha.

Inga mwaabila buloshuwa iyi ciindi cili coonse nabi teshi njetutokwaabila mweenshi uyo. Ndyemutoocita ciiyo ca Baibo, amusebenseshe shikope kusansulula makani amu Baibo. Amwiipushe miipusho yeenga yacafwa shikwiiya kwaambawo alimwi akwaamba ayi mushinishe ayi wanyumfwisha. Amubelenge akubandika malembo atondeshekwa patokweela peeji. Pesule lyakumanisha buloshuwa iyi, amutalike libuku lya Ino Ncinzi Cini Bbaibbele Ncoliyiisya? na Ncinzi Bbaibbele Ncolituyiisya? kwaamba ayi mucafwe shikwiiya wanu kuya panembo kushikila akuya mukubombekwa.