BUUMI BWA BWINEKLISTU
Yehova Alatucafwa Kuliyumya Mumapensho
Munshiku shino shakweelaako, tuleenda mumapensho aanji ayumu. Cimwi ciindi, inga twalinyumfwa anga mapensho esu ngayumu abuumbi cakwaamba ayi inga tatucikoonshi kuliyumya. Nacibi boobo, na twatolelela kuyumya bushicibusa bwesu a Yehova, alaakutucafwa kuliyumya nabi mapensho abe ayumu buyani. (Isa 43:2, 4) Ino inga twacita buyani kwaamba ayi tuyumye bushicibusa bwesu a Yehova ndyetutokwiinda mumapensho?
Mupailo. Na twapaila camoyo woonse kuli Yehova, alaakutucafwa kukalikana mumiyeeyo alimwi akutupa nkusu kwaamba ayi tucikoonshe kuliyumya.—Flp 4:6, 7; 1Te 5:17.
Mabungano. Cino nceciindi ncetuyandika bunene shakulya shakumushimu akuyuminisha Yehova nkwaatupa kwiinda mukuba pomwi abamwi kumabungano. (Ebu 10:24, 25) Mushimu wakwe Yehova inga watucafwa abuumbi na katulibambila, kucanika kumabungano, alimwi akwaabanamo lubasu.—Ci 2:29.
Incito Yakushimikila. Cilaakuba cuubu kubikila maano kushintu shibotu na katucita shoonse nsheenga twacikonsha kwaamba ayi tutolelele kwaabanamo lubasu muncito yakushimikila. Alimwi tulaakuyumya bushicibusa bwesu a Yehova alimwi abamakwesu abenankashi.—1Ko 3:5-10.
AMWEEBELE VIDYO ICITE MUTWI UTOKWAAMBA AYI YEHOVA ALAAKUMULAMA, LYALO AKUBANDIKA MIIPUSHO ITOKONKELAWO:
Ino nciinshi cakacafwa ba Malu kutolelela kuba pafwiifwi a Yehova ndyebakalinga kwiinda mumapensho?
Bweenka mbuli ba Malu, ino maswi ngotucana pa Kulumbaisha 34:18 inga atuyuminisha buyani ndyetutokwiinda mumapensho?
Ino shakeendaamo ba Malu shilatondesha buyani ayi Yehova alapa “nkusu shiindaawo nshetucite” ndyetutokwiinda mumapensho?—2Ko 4:7