Ino Nceebonshi Bakamboni Bakwe Yehova Balakaka Kubikwa Bulowa?

Kuyeeya kwa bantu baanji

Makani ancine: So Bakamboni Bakwe Yehova tulasunishisha kushilikwa kabotu pomwi abamumikwashi yesu. Na twaciswa, tulaya ku bamadokota bacishi kushilika alimwi bacishi kucita opaleshoni kwakubula kusebensesha bulowa. Tulalumba pakuya panembo kwabaako mumakani akushilika bantu kucipatela. Alimwi cancine ncakwaamba ayi, nshila nshobakacana shakushilika Bakamboni kwakubula kusebensesha bulowa, batoshisebensesha akushilika bantu bamwi. Munshiku shino, mushishi shiinji mulwashi uli woonse alicite nkusu shakusalawo kutabikwa bulowa akuleya kuyambula malwashi esa ceebo cakubikwa bulowa, kupilinganishikwa kwa maseelo ashitilisha mubili alimwi akulubisha kwa bamadokota.

Makani ancine: Tatupailili bantu kwaamba ayi boole munshila ya caankamiko.

Makani ancine: Kushilikwa kwakubula kusebensesha bulowa takuduli bunene.a

Makani ancine: Makani aya mbubeshi bwakwaansa. Liinji bamadokota balacita ma opaleshoni anene mbuli akumoyo, amushifuwa alimwi akubika na kukusha shipansha shimwi kwakubula kusebensesha bulowa.b Balwashi, kwiilikaawo abaana baniini abo mbobatabikimo bulowa, liinji balafwambaana koola bweenka mbociba kubaabo beenga babikwa bulowa. Alimwi cimwi ciindi batabikwi bulowa baleendaawo kufwambaana koola kwiinda babikwa bulowa.c Taakuwo wakacana bumboni butondesha ayi mulwashi inga wafwa na taana kubikwa bulowa, nabi butondesha ayi inga taafwiiwo na wabikwa bulowa.

Ino nceebonshi Bakamboni Bakwe Yehova balakaka kubikwa bulowa?

Balakaka ceebo ca nshobashoma. Mu Cipangano ca Kale Kale a Cipangano Cipya, Baibo ilatulwiita ayi tatweelete kulya na kubikwa bulowa. (Matalikilo 9:4; Bene Lefi 17:10; Dutolonomi 12:23; Milimo 15:28, 29) Lesa alabona ayi buumi bwa cintu cuumi, buli mubulowa. (Bene Lefi 17:14) Aboobo tulakaka kubikwa bulowa ceebo cakunyumfwila Lesa akusuna kumulemeka mukwiinga ngwaakatupa buumi.

Bakaalula mbobayeeya

Kale kale, bamadokota bakalinga kubona anga kushilika muntu kwakubula kusebensesha bulowa kulishupite abuumbi alimwi ayi bantu balafwa. Sombi pacecino ciindi bakacileka kuyeeya boobo. Kucakubonenaako, mu 2004, libuku limwi lyaamba pa buumi lyakaamba ayi “nshila shiinji nshotusebensesha pakushilika Bakamboni Bakwe Yehova, nsheshi tukanosebensesha mumyaaka itoosa kunembo.”d Mu 2010, mutwi umwi wakalinga mumagazini yaamba ayi Heart, Lung and Circulation wakaamba ayi: “‘Teshi tunooshilikabo Bakamboni Bakwe Yehova beenkabo kwakubula kusebensesha bulowa,’ sombi tunanosebensesha nshila sheenka isho apakushilika bantu bamwi.”

Munshiku shino, bamadokota baanji nsengwe yoonse balasebensesha nshila shicafwa kwaamba ayi bulowa bwa mulwashi butanyonyooki bunene ndyebatomushilika. Nshila sha bwakushilika sha mushobo uyo balashisebensesha amushishi mutaamu bunene bukandu alimwi nabibo bantu bamwi bateshi Bakamboni Bakwe Yehova balasenga kubashilika kusebensesha nshila isho.