Ciiyo 3

Mulyeelete Kwiiya Shakwe Lesa

Mulyeelete kwiiya shakwe Lesa kwaamba ayi mube shicibusa wakwe. Sa liina lyanu balilishi babyanu alimwi balalisebensesha na batomwiita? Ee. Lesa ulisuni ayi mushibe liina lyakwe alimwi ayi munoolisebensesha. Liina lyakwe Lesa ngu Yehova. (Kulumbaisha 83:18, NW; Mateyo 6:9) Alimwi mulyeelete kushiba nshaayanda a nshaapatite. Mulyeelete kushiba bashicibusa a balwani bakwe. Paleenda ciindi kwaamba ayi mushibe muntu. Baibolo ilaamba ayi muli busongo mu kucana ciindi ca kwiiya shakwe Yehova.—Bene Efeso 5:15, 16.

Bashicibusa bakwe Lesa balacita nshaayanda. Amuyeeye babyanu. Na mutoocita shibiibi ku babyanu nabi nshibapatite, sa inga batolelela kuba babyanu? Taawu! Aboobo, na mulisuni kuba shicibusa wakwe Lesa, mulyeelete kunoocita nshaayanda.—Joni 4:24.

Teshi bupailishi boonse bucafwa muntu kuba shicibusa wakwe Lesa. Yesu, shicibusa windaawo wakwe Lesa, wakaamba pa nshila shobilo. Nshila yomwi njinene a bantu baiinda mbaanji. Iyo nshila ilatola ku bunyonyoshi. Imwi nshila ilishaankene a bantu baikonkela mbaniini. Iyo nshila ilatola ku buumi butamaani. Aboobo, na mulisuni kuba shicibusa wakwe Lesa, mulyeelete kushiba nshila iluleme ya kulambilamo Lesa.—Mateyo 7:13, 14.