Amube Bashinishite Kucafwa Bantu Kuba Bashikwiiya

Yesu Nshaakacita

VIDYO: Yesu Mbwaakeeisha Nikodemasi

1. Amweebele VIDYO, na kubelenga Joni 3:​1, 2. Lyalo akuyeeya pa miipusho itokonkelaawo:

1. Ino nciinshi cakapa Nikodemasi kufwakashila Yesu mashiku?—Amubone Joni 12:​42, 43.

2. Ino Yesu wakatondesha buyani ayi wakalinga kushinishite kucafwa bantu kuba bashikwiiya ndyaakakumana a Nikodemasi mashiku?

Ino Nciinshi Nceenga Tweeya Kucakubonenaako Cakwe Yesu?

2. Tulatondesha ayi tulisuni bantu kwiinda mukuba bashinishite kubacafwa kuba bashikwiiya.

Amukonkele Cakubonenaako Cakwe Yesu

3. Amwiishe shikwiiya Baibo paciindi amusena shili kabotu kuli nguwe. Mpashi inga kaasuni ayi munokwiiyaakwe pabushiku bumwi munsondo na paciindi cimwi mubushiku. Sa inga wacikonshabo kwiiya ndyaali kuncito, kuŋanda, na kumusena kumwi? Na kacikonsheka, amweeleshe kwaalulako nshemucita bushiku abushiku kwaamba ayi mucikoonshe kumwiisha kweelana abukaalo bwakwe.

4. Amwiiyaakwe lyoonse. Na mulaakuswawo, amushinishe ayi ciiyo cacitwa kweelana ambomwakapangana, inga mwacita boobo kwiinda:

1. Mukubandika bushiku bumwi munsondo ndyeenga mweeyaakwe.

2. Mukucita ciiyo pafooni na pa intaneti.

3. Mukusenga shikushimikila umwi kwaamba ayi amwiishe.

5. Amupaile kwaamba ayi munoobona shintu munshila yeelete. Amusenge Yehova kwaamba ayi amucaafwe kutolelela kuba ushinishite kucafwa shikwiiya wanu nabi ndyecitokwaala kwiiya lyoonse na ndyaatowayawaya kukonkela nshaatokwiiya. (Filip. 2:13) Mpashi shikwiiya wanu inga kaacite mibo ibotu; aboobo amupaile kwaamba ayi munoobikila maano kumibo ibotu njaacite.