Amukonkele Lushomo Lwabo
1. Kutalika nsondo ya October 19, Ino tunano kwiiya libuku nshi pakubungana kwa Ciiyo ca Baibo Calibungano?
1 Kutalika a nsondo ya October 19, 2015, tulakutalika kwiiya libuku lya Amwiiye Lusyomo Lwabo pakubungana kwa Ciiyo ca Baibo Calibungano. Libuku ili lilaamba makani amu Baibo a basankwa abanakashi bashomeka bali 14. Libuku ili lilatucafwa kuyeeya bantu aba mbobakalinga alimwi amapensho ngobakeendaamo ndibakalinga kusebensela Yehova. Makani acanika muli buku ili alicite shiiyo sheenga shatucafwa munshiku shino.—Ebu. 6:12.
2. Amupandulule shitocanika mulibuku lya Amwiiye Lusyomo Lwabo.
2 Shiliimo: Kwaamba ayi tushibe misena nkobakalinga kukala alimwi amyaaka njobakakala, muli mamapu amapikica atotondesha bulaamfu bwa ciindi. Alimwi, capita ili yoonse ilicite lubasu, lulembetwe ayi, “Twaambo Ntomweelede kuyeeya. . . ,” lweshi lukatucaafwe kuyeeyawo pamakani ayo akusebensesha shiiyo nshotweeya. Muli shikoshanyo amapikica akalembwa kabotu alimwi cakubikila maano eenga atucafwa kuyeeyawo pamakani ngotutobelenga.
3. Ino inga twacita nshi kwaamba ayi tucafwikwe ndyetutokwiiya libuku ili?
3 Mbweenga Lyamucafwa: Nkalata ili pakutalikila itooswa ku Likoto Litangilila itotuyuminisha amaswi atokwaamba ayi: “Amuyeyeelewo pa makani ngomutobelenga; amubelenge amoyo woonse. Amweeleshe kulinyumfwa bweenka mbuli mbobakalinga kulinyumfwa aba bantu baambwa mu Baibo, akubona nshebakalinga kubona. Amweeleshe kweelanya mbobakalinga kucita shintu ambomucita mwebo.” Nacibi boobo, ici tacaambi kuyeeyabo ciyeeyeye, sombi cilaamba kubona makani ngomutobelenga mumiyeeyo yanu alimwi akulinyumfwa bweenka mbuli babo mbomutobelengawo. Kwaamba ayi tucikonshe kucita boobo tulyeelete kucana ciindi alimwi akuyeeyawo. (Neye. 8:8) Na ciiyo citotalikila pakati pa capita, mwaambi ulyeelete kwaamba nshetwakeeya muciiyo camana muciindi ca masekondi 30 kushika ku miniti yomwi. Na ciiyo tacicite lubasu lwa “Twaambo Ntomweelede kuyeeya . . .” mwaambi inga wepusha miipusho yakwiindulukamo yobilo na womwi.
4. Ino ngumulandunshi ngotweelete kwiiya libuku lya Amwiiye Lusyomo Lwabo?
4 Cishi ncotushiteemo cilayandoola nshila shakunyonyoola lushomo lwesu bushiku abushiku. Yehova watupa cipo ca libuku ili alimwi amakani amwi acanika mu Ngazi Yamulindizi umo mwakaswa shiiyo shili mulibuku ili kwaamba ayi shitucafwe kuyumya lushomo lwesu. (Jemu. 1:17) Kwaamba ayi tucafwikwe alibuku ili, tulyeelete kucanika lyoonse pa Ciiyo ca Baibo Calibungano alimwi akutola lubasu kwiinda mukukumbulawo ndyetutokwiiya!