Sa Mutosebensesha Kabotu Tumakaadi twa JW.ORG?

Nciito Yesu yakushimikila itoyandika cakufwambaana, mukwiinga mapensho anene ali pafwaafwi abuumbi. (Tus. 24:11, 12, 20) Kwaamba ayi tucafwe bantu, inga twasebensesha tumakaadi twakucana makani tweenga twabacafwa kucana Maswi akwe Lesa alimwi a webusaiti yesu. Kakaadi aka kalicite koodi itola kukavidyo ka Ino Ngumulandunshi Ngomweelete Kwiiya Baibo? alimwi abwiite bwakushiba makani aanji na kusenga ciiyo ca Baibo. Bantu bamwi balakaka mabuku esu sombi balasumina kubona makani pa webusaiti yesu. Aboobo, mutatoonshi kubapa Kakaadi ka. Nacibi boobo, mutapi kakaadi muntu utasuni kwiiya.

Ndyemutoocita ncito shanu sha bushiku abushiku, inga mwatalika mubandi amuntu kwiinda mukwaamba ayi: “Ndicite cintu cimwi nceenga ndasuna kumupa. Kakaadi aka katomutondesha webusaiti icite makani alimwi amavidyo akutalipila ashiyene shiyene.” (Joni 4:7) Mukwiinga tumakaadi utu ntuniini niini, inga mwabwesa kwaamba ayi munokwaabila bantu ciindi cili coonse ndyemwacana coolwe.