BUUMI BWA BWINEKLISTU
Sheenga Shatucafwa Kushimikila Kabotu—Kusebensesha JW.ORG
MULANDU NCOCIYANDIKILA: Mabuku oonse Ngotusebensesha Ndyetutokwiisha alatondeka bantu ku jw.org. Tumakaadi twa jw.org a tilakiti ya ino Nkuli Nkweenga Twacana Shikumbulo Kumiipusho Ikatasha Bantu Abuumbi? shakabambilwa kucafwa bantu kuya pa webusaiti yesu. Inga mwasebensesha jw.org kwaabila libuku Ndyetusebensesha Ndyetutokwiisha kwiinda mukusebensesha imelo na kutuma linki. Ici cilacafwa bunene bunene na tutoshimikila muntu waamba mushobo umwi. Kwiilikaawo, inga twacaana bantu beenga batwiipusha miipusho njetutacani shikumbulo mumabuku Ngotusebensesha Ndyetutokwiisha. Inga twasebensa kabotu incito yesu yakushimikila, na twashiba bwakusebensesha webusaiti.
MBWEENGA MWACIITA:
Amusebenseshe lubasu lulembetwe ayi “NJIISHO SHAMU BAIBO”. Atwaambe ayi mutoshimikila mushali usuni makani eenga amucafwa kulela baana. Amuye palembetwe ayi NJIISHO SHAMU BAIBO > CIKWATI AMUKWASHI.
Amusebenseshe lubasu lulembetwe ayi “MABUKU”. Atwaambe ayi mutoshimikila kucikolo munshila yakubandikabo alimwi mulisuni kwaabila ngomwiiyaakwe buloshuwa ya Shikumbulo Kumiipusho ili 10 Njobepusha Bacanike. Amuye palembetwe ayi MABUKU > MABUKU AMABULOSHUWA.
Amusebenseshe lubasu lwa “SHAPALINDISWE”. Atwaambe ayi mutoshimikila muntu ngomusebensaakwe uyo usuni kubelenga makani afwiifwi aamba pa shintu nshetushoma. Amuye palembetwe ayi ABOUT US > FREQUENTLY ASKED QUESTIONS.
muntu utashomi ayi Lesa nkwaali
muntu wakacitikilwa mapensho anene conoono
mukwesu nabi nankashi wakaboola mwisule
muntu ngotwabolelaako usuni kushiba kuswa maali acafwilisha ncito yesu
muntu waswa kucishi cimwi usuni kuya kumabungano na akaboolele kumishaabo