Amucane Makani Acafwa Mubuumi pa JW.ORG

Maswi akwe Lesa alatucafwa kuliyumya ndyetutokwiinda mumapensho munshiku shino shakweelaako. (2Ti 3:1, 16, 17) Nacibi boobo, cimwi ciindi inga twayandika njiisho shamu Baibo shilulamite bukaalo mbotutokwiindaamo. Kucakubonenaako, sa muli mushali utolangoola makani ambweenga mwalela baana? Sa muli wacanike utokwiinda mumapensho atokweelesha lushomo lwanu? Sa mwakafwitwa beebaanu na bakaanu? Mulaakucana makani pa jw.org eenga amucafwa mubukaalo ubo alimwi amumapensho amwi.​—Tu 2:3-6.

Amuye pa jw.org akutyanka palubasu lulembetwe ayi BIBLE TEACHINGS. (Amubone cikope 1.) Amubone pamulongo utotondesha shili panshi, lyalo akusala makani ngeenga mwasuna. Nabi kutyanka palubasu lulembetwe ayi MABUKU > MITWI YAMAKANI akusala makani ngomusuni. (Amubone cikope 2.) Ishi mbasu inga mwashicana apa JW Library^®.a Mpashi inga mwanyumfwa kabotu kwiindulukaamobo mumakani apusenepusene pa jw.org na pa JW Library®. Nshila imwi mbweenga mwacana makani nkwiinda mukutaipa mutwi wa makani ngomusuni palubasu lwa amulangoole pa jw.org.

Amutaipe mitwi yamakani itokonkelaawo palubasu lulembetwe ayi amulangoole, lyalo akulabilila njeenga mwasuna kubelenga.

• Kulela Baana

• Bacanike Kulinyumfwa Kulefuka

• Kufwitwa Ngomweebenaakwe