“Mpoondi Nkambo! Amuntuume!”

Isaya wakatondesha mushimu ubotu wakulyaaba. Nabi kwaamba ayi takalinga kucishi makani oonse, wakatondesha lushomo kwiinda mukukumbula cakufwambaana kwaamba ayi ulilibambite kucafwilisha. (Isa. 6:8) Sa inga mwaalula bukalo bwanu kwaamba ayi mucikonshe kuya mukusebensela kumusena kuli beshikushimikila sha Bwaami baniini? (Kulu. 110:3) Cakutatoonsha, mulyeelete kutaanguna ‘kukala panshi akubona shiyandika’ kwaamba ayi muye kumusena kubulite. (Luka 14:27, 28) Nacibi boobo, amulibambile kulyaaba pamulandu wancito yakushimikila. (Mate. 8:20; Maako 10:28-30) Bweenka mbuli mbotwabona mu vidyo ya Kuya Mukusebensela Kumusena Kubulite, kusebensela Yehova kulaleta shoolwe shiinji shiinda kulyaaba kuli koonse nkweenga twacita.

PESULE LYAKWEEBELA VIDYO, AMUBANDIKE MIIPUSHO ITOKONKAAWO:

• Ino mukwashi waba Williams bakalyaaba buyani kwaamba ayi baye basebensele kuEcuador?

• Ino nshiinshi nshebakataanguna kukala panshi akuyeeya ndyebakalinga kusala kumusena kwakuya mukusebensela?

• Ino nshoolwe nshi nshobakacana?

• Ino makani aanji ashakuya mukusebensela kumusena kubulite inga mwacana kuli?

AMUBANDIKE MIIPUSHO ITOKONKAAWO NDYEMUTOCITA KULAMBILA KWANU KWAMUKWASHI NSONDO ITOOSA:

• Ino inga twacita buyani mbuli mukwashi kwaamba ayi tucite shiinji muncito yakushimikila? (km-CG 8/11 p. 4)

• Na inga tatucikonshi kuya mukusebensela kumusena kubulite, ino nshiinshi nsheenga twacita kwaamba ayi tucafwilishe libungano kuno kumishesu? (w16-CG.03 23-25)