Kulongela Kumusena Ubulishite

Muntu alayandika kuba alushomo kwaamba ayi alonge kuswa kumusena nkwaakashibila kuya kumusena umwi kwaamba ayi acite shiinji muncito yakushimikila. (Ebu 11:8-10) Na mutoyeeya kusala kuya mukusebensela kumusena ubulishite, amubandike abamanene mulibungano linemishaanu. Ino nshiinshi nsheenga mwaciita kwaamba ayi mubone na inga mwacikonsha kuya mukusebensela kumusena ubulishite lyalo akusala musena nkomusuni kuya mukusebensela? Amubone makani akalembwa aamba shakusebensela kumusena ubulishite. Amubandike abaabo bakacikonsha kulongela kulibungano lyakalinga kubulishite. (Tu 15:22) Amupaile kuli Yehova kwaamba ayi amupe butanjilishi. (Jem 1:5) Amulangoole musena nkweenga mwasuna kuya, alimwi na kacikonsheka amufwakashileeko kwanshiku shiniini kamutana kusala kulongelaako.

AMWEEBELE VIDYO YACITONDESHO ICITE MUTWI UTOKWAAMBA AYI MULUSHOMO AMUNJILE PAMULYANGO WA NCITO UCALUKITE KULI NDIMWE—AMULONGELE KUMUSENA UBULISHITE, LYALO AKUKUMBULA MIIPUSHO ITOKONKELAAWO:

• Ino nshiinshi Gabriel nshakaalula alimwi ino nciinshi cakamucafwa?