Amuleye Mapensho Acanika—pa Intaneti

MULANDU NCECIYANDIKILA: Bweenka mbuli shitabatisho shiinji, Intaneti ayalo inga yaba ibotu na ibiibi. Beneklistu bamwi balasala kutasebensesha Intaneti. Bamwi balaisebensesha kubandika ababyaabo alimwi abeshikamukowa. Nacibi boobo, Satana alisuni ayi tunosebensesha Intaneti munshila iteelete, iyo yeenga yabisha mpuwo yesu abuumi bwesu bwakumushimu. Bweenka mbuli Yesu, inga twasebensesha njiisho shicanika mu Maswi akwe Lesa kushiba mapensho a kwaaleya.—Luka 4:4, 8, 12.

MAPENSHO NGOTWEELETE KULEYA:

• Kubandika abantu pa Intaneti ciindi cilaamfu. Kubandika abantu pa Intaneti ciindi cilaamfu inga kwalengesha ayi tunyonyoole ciindi ncotweelete kusebensesha pashintu shakumushimu.

  Njiisho sha muBaibo: Efe. 5:15, 16; Fili. 1:10

• Kweebela shintu shitabete kabotu. Kweebela shintu shileta miyeeyo yakoonana inga kwalengesha ayi mushibile shintu shitabete kabotu na shintu shabulale. Kubelenga shilemba bakapondoka kuswa mucancine inga kwanyonyoola lushomo lwesu.

  Njiisho sha muBaibo: Mate. 5:28; Fili. 4:8

• Kulemba makani na kubika mapikica atabete kabotu. Mukwiinga moyo wamuntu ngubeshi abuumbi, muntu inga watalika kulemba makani akubika mapikica atabete kabotu pa Intaneti. Kucita boobo inga kwabisha mpuwo ya muntu na kunyonyoola lushomo lwakwe.

  Njiisho sha muBaibo: Loma. 14:13; Efe. 4:29

AMWEEBELE VIDYO ITOKWAAMBA AYI AMULEYE MAPENSHO ACANIKA PA INTANETI, LYALO AMUBANDIKE MBWEENGA TWALEYA BUKAALO BUTOKONKAAWO: