BUUMI BWA BWINEKLISTU
Ino Mbeshicibusa Bali Buyani Mbomucite pa Intaneti?
Shicibusa “ngumuntu unyumfwana amuntu umwi ceebo cakwaamba ayi alimusuni alimwi alamupa bulemu.” Kucakubonenaako, Jonasani a Defedi bakaba abushicibusa buyumu pesule lyakwaamba ayi Defedi wacaya Golyati. (1Sa 18:1) Boonse bobilo bakalinga kucite mibo umwi njaakalinga kusuni. Aboobo, kwaamba ayi muntu abe abushicibusa amuntu umwi alyeelete kushiba makani ancine pamuntu uyo. Liinji, kushiba kabotu muntu kulayandika ciindi alimwi akusebensa cankusu. Nacibi boobo, ncuubu abuumbi kuba bushicibusa abantu bali boonse pa intaneti. Ncuubu bantu kulishisa mbobabete pa intaneti, mukwiinga inga bayeeyela limwi nshebasuni kwaamba na bantu mbobasuni kunoobabona. Aboobo, inga mwayandika kuyeeyawo cakubikila maano ndyemutosala bantu beenga baba beshicibusa banu. Na muntu umwi ngomuteshi kabotu wamusenga kuba shicibusa wanu pa intaneti, tamweelete kuloonda na kulisukama ayi inga walinyumfwa cibiibi na mwakaka kuba shicibusa wakwe. Kwaamba ayi bamwi balishitilishe kumapensho, balasalawo kutaba abeshicibusa pa intaneti. Nacibi boobo, ino nshiinshi nshomweelete kwiibaluka na mwasala kuba abeshicibusa pa intaneti?
AMWEEBELE VIDYO ICITE MUTWI UTOKWAAMBA AYI AMUSEBENSESHE INTANETI MUNSHILA YEELETE, LYALO AKUKUMBULA MIIPUSHO ITOKONKELAAWO:
Ino nshiinshi nshomweelete kwiibaluka kamutana kulemba makani na kutuma shikope pa intaneti?
Ino nceebonshi mulyeelete kusala kabotu beshicibusa pa intaneti?
Ino nceebonshi mulyeelete kubika bulaamfu bwaciindi ncomweelete kuba pa intaneti?—Efe 5:15, 16