Amwiibaluke Muka Loti

Ino nceebonshi muka Loti wakalanga kwisule ndyaakalinga kucica kuswa mundabala ya Sodoma? Baibo tayaambiwo. (Mata. 19:17, 26) Bucenjeshi Yesu mbwakapa bulatondesha ayi muka Loti alyeelete wakalinga kusunishishi shintu nshaakashiya kwisule. (Luka 17:31, 32) Ino inga twaleya buyani kunyonyoola bushicibusa bwesu a Lesa bweenka mbuli muka Loti? Tatweelete kubikila maano abuumbi kukuyandoola shintu shakumubili. (Mate. 6:33) Yesu wakaiisha ayi “tatukoonshi kusebensela Lesa a Buboni.” (Mate. 6:24) Ino inga twacita buyani na twabona ayi twatalika kubikila maano abuumbi kushintu shakumubili kwiinda shakumushimu? Inga twapaila kuli Yehova kwaamba ayi atucaafwe kushiba shintu nshetweelete kwaalula alimwi akutupa kutaloonda ankusu shakucita boobo.

AMWIIBALUKE VIDYO YAKALINGA KUCITE MBASU SHOTATWE YA MUTWI UTOKWAAMBA AYI AMWIIBALUKE MUKA LOTI, LYALO AMUBANDIKE MIIPUSHO ITOKONKAAWO:

• 

  Ino kuyungwa kuba amaali aanji kwakakuma buyani miyeeyo, micito a ŋambilo, ya baGloria?

• Ino cakubonenaako cakwe muka Loti citotucenjesha nshi munshiku shino?

• Ino kusebensesha njiisho shamu Baibo kwakacafwa buyani baJoe amukwashi wabo?

• Ino kucanika ciindi cilaamfu abantu mbwakalinga kusebensaabo Anna kwakamukuma buyani lwakumushimu?

• Ino nceebonshi tulayandika kutaloonda kwaamba ayi tukake kuyungwa kubika maali panembo mubuumi bwesu?

• Ino ba Brian aba Gloria bakatalika buyani alimwi kubika shintu shakumushimu panembo?

• Ino ninjiisho shili shamu Baibo shatondeshekwa muvidyo iyi?