Amusebenseshe Mavidyo Ndyemutokwiisha Shiiyo sha Baibo

Shakubonenaako shilacafwa muntu utokwiiya kunyumfwisha akwiibaluka nshaiiya. Mufundishi wesu Munene, Yehova, wakasebenshesha shakubonenaako ndyaakalinga kwiisha shiiyo shiyandika. (Mata. 15:5; Jele. 18:1-6) Yesu alakwe wakasebensesha shakubonenaako ndyaakalinga kwiisha. (Mate. 18:2-6; 22:19-21) Mumyaaka yacoonono kusebensesha shakubonenaako mbuli mavidyo kwatucafwa abuumbi. Sa mulasebensesha mavidyo ndyemutokwiisha shiiyo shanu sha Baibo?

Kuli mavidyo 10 eenga atucafwa kwiisha shiiyo shili mubuloshuwa ya Makani Abotu Kuswa Kuli Lesa! Vidyo iliyoonse ilicite mutwi utokweendelana amwiipusho ulembetwe mushilembo shinene ngotucana mubuloshuwa. Buloshuwa njetucana pa webusaiti ilicite alubasu lutondesha ndyeenga twatondesha vidyo. Kwiilikaawo, mavidyo aamwi alacafwa kunyumfwisha makani ngotucana mumabuku esu apusene pusene Ngotusebensesha Ndyetutokwiisha.

Na mutobandika makani kuswa mu Baibo shikwiiya ngeenga waalilwa kunyumfwisha nabi na kuli lipenshi ndyatokwiindaamo, inga wacana lucafwo kwiinda mukusebensesha makani acanika mumavidyo apa jw.org® a JW Bulodikasti®. Mpashi inga mweebelaakwe vidyo yomwi akubandikawo.

Mweenshi uli woonse, kulaswa mavidyo apya. Ndyemutokweebela, amuyeeye mbweenga mwaasebensesha ndyemutokwiisha.