Nsheenga Mwaciita Kwaamba ayi Mufubileemo Ndyemutoocita Ciiyo Capalwaanu

MULANDU NCOCIYANDIKILA: Ciiyo capalwesu cilatucafwa “kushiba kabotu, mubufwiifwi, mubulaamfu, kuya peculu alimwi akuya paanshi kwa cancine”. (Efe. 3:18-nwt) Alimwi cilatucafwa kuba bantu batacite mulandu alimwi batacite kampenda mucishi ciswite bubi ‘akucatisha maswi akwe Lesa apa buumi.’ (Fili. 2:15, 16-nwt) Kwiiya maswi akwe Lesa kulatucafwa kusala shintu nshetuyandika palweesu. Ino nshiinshi nsheenga twaciita kwaamba ayi tunoofubilaamo ndyetutobelenga akwiiya Baibo?

MBWEENGA MWACIITA:

• Amutaleewo pamavesi ngomutobelenga akulemba maswi muBaibo yanu, na mpashi palipepa, patabuleti nabi pa fooni

• Ndyemutobelenga maswi akwe Lesa inga mwaliipusha miipusho mbuli: ‘Ngani? Nciinshi? Ndilili? Nkuli? Nceebonshi? Cakalinga buyani?’

• Amwiiye shiinji. Amulangoole makani ancine kwiinda mukusebensesha shisebenshesho nshetubensesha kulangoola makani amu Baibo

• Amukutumane akuyeeyawo pashintu nshemwabelenga kwaamba ayi mushibe kabotu bwa kushisebensesha

• Amukonkele nshemutokwiiya bushiku abushiku.—Luka 6:47, 48

AMWEEBELE VIDYO ICITE MUTWI UTOKWAAMBA AYI ‘AMUCATISHE MASWI ABUUMI’—KWIINDA MUKUCITA CIIYO CAPALWAANU, LYALO MUBANDIKE MIIPUSHO ITOKONKELAWO:

• Ino bamwi balaamba nshi pamakani akucita ciiyo capalwaabo?

• Ino nceebonshi tulyeelete kupaila katutana kutalika kucita ciiyo capalweesu?

• Ino nshiinshi sheenga shatucafwa kunyumfwishisha kabotu makani ngotutobelenga kuswa mu Baibo?

• Ino ntushibilo twa buyani ntweenga twabika mu Baibo njetusebensesha ndyetutoocita ciiyo capalweesu?

• Ino nceebonshi ncetuyandikila kukutumana akuyeeyawo ndyetutokwiiya Maswi akwe Lesa?

• Ino tulyeelete kucita nshi ashintu nshotwiiya?