Incito Shibotu Shitaluubwi

Musebenshi wakwe Yehova uli woonse inga wacikonsha kucita ncito Yehova nsheshi akabule kuluba. Bweenka mbuli mushali usuni bana bakwe alimwi utaluubi shintu shibotu nshobakamucitila, Yehova alakwe teshi akalube ncito njetwamusebensela a lusuno ndotutondesha paliina lyakwe. (Mate. 6:20; Ebu. 6:10) Ncakwiila, soonse tulicite lushibo abukaalo bupusenepusene. Nacibi boobo, soonse inga twacana lusangalalo na katucita shoonse nsheenga twacikonsha muncito yakwe Yehova. (Gala. 6:4; Kolo. 3:23) Kwa myaaka iinji, bamakwesu abenankashi baanji bakalyaaba kusebensela ku Bethel. Sa amwebo inga mwalyaaba kusebenselaako ku Bethel? Na inga tamucikoonshi, sa inga mwayuminishako bamwi kucita boobo, na kuyuminisha womwi wa mukwashi wa Bethel kutolelela muncito iyi ilibetele?

AMWEEBELE VIDYO ICITE MUTWI UTOKWAAMBA AYI MBWEENGA MWALYAABA KUSEBENSELA KU BETHEL, LYALO AMUBANDIKE MIIPUSHO ITOKONKELAAWO:

• Ino nciinshi ceelete kuyuminisha muntu kusuna kusebensela ku Bethel?

• Ino bamwi bakaambawo nshi pacoolwe cakusebensela ku Bethel?

• Ino nshiinshi nshomweelete kucita kwaamba ayi mweelele kusebensela ku Bethel?

• Inga mwacita buyani na mulisuni kulemba foomu yakusebensela ku Bethel?