Sa Mulyaasuni Abuumbi Maswi Akwe Lesa?

Mu Baibo muli maswi akwe Lesa, Mwiine walibuku lisalalite. (2 Pita 1:20, 21) Baibo ilaamba bunene pa cancine cakwaamba ayi Lesa ngoweelela kulela kwiculu apacishi ca panshi kwiinda mukusebensesha Bwaami bwakwe. Ici cilapa bantu kuba abulindilishi bwa buumi kunembo. Alimwi Baibo ilatucafwa kushiba mibo yakwe Ishiwesu wakwiculu, Yehova.—Kulu. 86:15.

Shakapa kwaamba ayi tutalike kusuna Maswi akwe Lesa shilipusenepusene. Ano sa tulatondesha ayi tulicisuni abuumbi cipo cibotu ici kwiinda mukucibelenga bushiku abushiku akukonkela nshotubelenga? Aboobo mushintu shoonse atulinyumfwe bweenka mbuli shikulumbaisha mbwaakalinga kulinyumfwa ndyaakaamba ayi: “Milawo yanu ndiisuni abuumbi!”—Kulu. 119:97.

AMWEEBELE LUBASU LWA VIDYO ICITE MUTWI UTOKWAAMBA AYI BAKALINGA KWIISUNI ABUUMBI Baibo (WILLIAM TYNDALE), LYALO AKUBANDIKA MIIPUSHO ITOKONKELAAWO:

• 

  Ino nciinshi cakapa kwaamba ayi William Tyndale asansulule mbasu sha muBaibo?

• Ino nciinshi nceenga twaambila ayi William Tyndale wakasebensa cankusu kwaamba ayi asansulule Baibo?

• Ino ma Baibo akasansululwa a Tyndale akashika buyani ku England?

• Ino nciinshi nceenga womwi awomwi wandiswe wacita kwaamba ayi atondeshe ayi alisuni Maswi akwe Lesa?