Cintu Ciyandika Abuumbi mu Tente Isalalite

25:9, 21, 22

Libokoshi lya Cipangano lyakalinga kuyandika abuumbi mu tente isalalite alimwi amu misumba ya bene Isilaeli. Lesa wakalinga kutondesha ayi ali pakati kabo kwiinda mulikumbi lyakalinga pakati ka bakelebu bobilo bakalinga pa cifwekesho ca Libokoshi lya Cipangano. Pabushiku Bwakusalashikwa Kuswa Kushibiibi, mupailishi munene wakalinga kunjila mumusena Usalalite Wiindaawo akusanseela bulowa bwa mucende abwampongo pacifwekesho ca Libokoshi kwaamba ayi bene Isilaeli balekelelwe shibiibi shabo. (Lefi 16:14, 15) Ishi shakalinga kwiimikaninaako Yesu, Mupailishi Munene Wiindaawo, ciindi ndyakaya kwiculu mukubonekela pameenso akwe Yehova kwaamba ayi ape mulambu wakwe wa cilubula.—Ebu. 9:24-26.

Amweelanye malembo atokonkelaawo kushoolwe nshotucana ceebo ca cilubula:

MALEMBO

• 1 Joni 1:8, 9

• Ebu. 9:13, 14

• Loma. 6:23

SHOOLWE

• bulindilishi bwakukala muyayaya

• kulekelelwa shibiibi

• njeelacaamba isalalite

Ino nshiinshi nshotweelete kucita kwaamba ayi tutambule shoolwe ishi?