BUUMI BWA BWINEKLISTU
Nobashali, Amucafwe Bana Banu Kuba Alushibo
Tulekala mucishi muli bantu babona shintu shibiibi anga nshibotu, shibotu anga nshibiibi. (Isa. 5:20) Ano cabicaako ncakwaamba ayi bantu bamwi balacita shintu nshaapatite Yehova, mbuli koonana kwa basankwa na banakashi beenka beenka. Bacanike inga bayungwa kubeshicikolonyinaabo na kubantu bamwi kwaamba ayi bacite shintu shibiibi. Ino inga mwacita buyani kwaamba ayi mucafwe bana banu kukoma meelesho mbuli aaya?
Amwiishe bana banu njiisho shakwe Yehova. (Lefi 18:3) Ciindi aciindi amwiishe bana banu kushiba Baibo nshoyaamba pamakani akoonana. Amubaiishe makani ngeenga banyumfwisha kweelana aciimo ncebabeteewo. (Duto. 6:7) Amuliipushe ayi: ‘Sa bana bangu ndakabaiisha kale bwakutondesha lusuno munshila yeelete, kuyandika kwakufwala cabulemu, akushiba mbociyandika kulemekwa kubantu bamwi? Sa bana bangu inga bashiba shakucita na muntu umwi ulisuni kubatondesha shintu shileta miyeeyo yakoonana, na munene wabalwiita kucita cintu Yehova ncaakasha, mpashi na umwi utobaloondesha ayi batayubululi shintu sha bushishi?’ Kwiisha bana banu Baibo kulaakubashitilisha kumapensho aanji. (Tus. 27:12; Shiku. 7:12) Na kamwiisha bana banu, mulatondesha kulumba pacipo cibotu Yehova ncaakamupa.—Kulu. 127:3.
AMWEEBELE VIDYO ICITE MUTWI UTOKWAAMBA AYI AMUYAKE ŊANDA IYUMU—AMUSHITILISHE BANA BANU KUSWA “KUSHINTU SHIBIIBI,” LYALO AKUBANDIKA MIIPUSHO ITOKONKELAAWO:
Ino nceebonshi bashali bamwi balawayawaya kwiisha bana babo pamakani akoonana?
Ino nceebonshi bashali balyeelete kwiisha bana babo kweelana a “kululika alwiiyo lwakwe Yehova”?—Efe. 6:4
Lushibo lulashitilisha
Ino nshisebensesho nshi libunga lyakwe Yehova nsholyabamba sheenga shacafwa bashali kwiisha bana babo pamakani akoonana?—w19.05 12, kabokosi
Ino nceebonshi mulyeelete kubandikishanya abana banu kabatana kucana mapensho?