AMWIIYE NSHEENGA MWACIITA MUNCITO YAKUSHIMIKILA | MBWEENGA MWATOLELELA KUCANA LUSANGALALO MUNCITO YAKUSHIMIKILA
Amucafwe Shikwiiya Baibo Wanu Kushiba Bwakucita Ciiyo Capalwaakwe
Mbomwiisha Baibo balyeelete kwiiya shiinji kuteshibo cancine ncomubeisha kwaamba ayi bamushibe kabotu Yehova akwaamba ayi babe Beneklistu bashimpite lwakumushimu. (Mt 5:3; Ebu 5:12–6:2) Alimwi balyeelete kushiba bwakucita ciiyo capalwaabo.
Kuswabo bushiku ndyemwatalika ciiyo, amumutondeshe shikwiiya Baibo mbweenga walibambila ciiyo, akumuyuminisha ayi anolibambila. (mwb18.03 6) Amumucaafwe kushiba kwaamba ayi alyeelete kutaanguna kupaila lyoonse kaatana kutalika kucita ciiyo capalwaakwe. Amumucaafwe kushiba mbweenga wacana akusebensesha webusaiti yesu. Amumusansulwite mbweenga wacana makani apya pa jw.org alimwi a JW Broadcasting®. Mukuya kwaciindi amumucaafwe paniini paniini kuba amulongo wakubelenga Baibo bushiku abushiku, kulibambila mabungano, ambweenga wacana shikumbulo kumiipusho njeenga kaacite. Amumucaafwe kukutumana kuyeeya pashintu nshatokwiiya.
AMWEEBELE VIDYO YACITONDESHO ICITE MUTWI UTOKWAAMBA AYI AMUCAFWE SHIKWIIYA BAIBO WANU KUSHIBA BWAKUCITA CIIYO CAPALWAAKWE, LYALO AKUKUMBULA MIIPUSHO ITOKONKELAAWO:
Ino Neeta wacafwa buyani Jade kushiba kwaamba ayi nshiinji shiilikitweemo mukwiiya kuteshibo kushiba shikumbulo?
Ino nciinshi cacafwa Jade kushoma cakutatonsha kwaamba ayi Yehova ngwaeelete kubika mulawo pamakani akoonana?
Amwiishe mbobwiisha Baibo kwiiya bwakulangoola makani ambweenga baasebensesha
Ino nshiinshi Jade nshaakesa mukushiba pamakani akukutumana kuyeeyawo?