Mbweenga Mwasebensesha Lubasu lwa Nsheenga Mwaamba

Bamakwesu balasebensa cankusu kubamba mbasu sha sheenga mwaamba alimwi beshikushimikila baanji bacana kwaamba ayi mbasu ishi shilacafwa abuumbi ndyebatoshimikila kumusena nkobashimikila. Nacibi boobo, ceebo cakwaamba ayi bukaalo bulipusenepusene nsengwe yoonse, beshikushimikila inga basebensesha nshila shipusenepusene muncito yakushimikila na kubandika pamakani amwi bantu bakumusena uko ngeenga basuna kukutika. Ncakwiila, boonse balyeelete kukonkela butanjilishi bupekwa pamakani akushimikila kulibetele. Luyaando lwesu nkukumanisha ncito njaakatupa Yesu yakushimikila makani abotu a Bwaami.​—Mt 24:14.

Beshikushimikila ndyebatoocita lubasu lwa mwanaacikolo balyeelete kubandika mutwi wamakani uli palubasu lwa nsheenga mwaamba mu Kabuku Kamabungano Abuumi Anciito. Sombi na kuli butanjilishi bumwi, beshikushimikila inga balisalila mwiipusho, lilembo, nsheenga basuna kubandikawo lweendo lutokonkelaawo na bukaalo bweenga shasebensa kumusena nkobashimikila. Butanjilishi ubu bulaalula shakalembwa papeeji 8 mukabuku kamabungano kamu June 2020.