Cikwati—Bubaambo bwa Mubuumi Boonse

Shikwati sha Beneklistu shiswitilila shilaleta bulemu kuli Yehova alusangalalo kubeebene. (Mk 10:9) Kwaamba ayi Mwineklistu abe mucikwati ceenga cekala kwa buumi boonse alimwi muli lusangalalo, alyeelete kukonkela njiisho shamu Baibo ndyatosala wakubaakwe mucikwati.

Ncintu ca busongo kulindila muntu weenda paciimo ca bwanike, kaatana kutalika kulangoola wakweebanaakwe, mukwiinga paciindi ici lusuno lwakoonana lulakomena, aboobo inga lwapa kwaamba ayi muntu aalilwe kusala kabotu. (1Ko 7:36) Cili kabotu ndyemutana kunjila mucikwati kusebensesha ciindi canu kukuyumya bushicibusa bwanu a Yehova alimwi akuba amibo ya Bwineklistu. Kucita boobo kulaakupa kwaamba ayi mukaswitilile na mukenjile mucikwati.

Kamutana kubandika sha cikwati amuntu, amutaangune kumushiba kabotu mbwaabete “mukati mumoyo.” (1Pit 3:4) Na kuli shimwi nshomwabona shitoomupa kutoonsha, amubandikishanye awooyo ngomutoyeeya kubaakwe mucikwati. Bweenka mbuli bushicibusa buli boonse, mucikwati muntu alyeelete kuyeeya bunene nsheenga lakwe wacitila mubye, kuteshi kulangilabo nsheenga mubye wamucitila. (Flp 2:3, 4) Na kamukonkela njiisho shamu Baibo kamutana kunjila mucikwati, cilaakumubeta cuubu kutolelela kucita boobo na mukenjile mucikwati alimwi mucikwati canu mulaakuba lusangalalo.

AMWEEBELE VIDYO ICITE MUTWI UTOKWAAMBA AYI KULIBAMBILA CIKWATI—LUBASU 3: ‘AMUBONE SHIYANDIKA,’ LYALO AKUKUMBULA MIIPUSHO ITOKONKELAAWO:

• Ino bushicibusa bwakwe nankashi a Shane bwakatolelela buyani?

• Ino nshiinshi nshaakabona ndyaakatalika kumushiba kabotu?

• Ino bashali bakwe bakamucafwa buyani, alimwi ino nciinshi camaano ncaakasalawo?