Sa Mutosebensesha Kabotu Baibo ya Maswi Akalekodwa?

Ino Baibo ya maswi akalekodwa nciinshi? Aya ngamaswi akalekodwa amu Baibo ya New World Translation. Itoolekodwa paniini paniini mu mishobo iinji kweelana ambweenga cakonsheka. Cintu comwi cicafwa abuumbi pa Baibo ya maswi akalekodwa ncakwaamba ayi bakasebensesha maswi abamakwesu abenankashi bapusenepusene kulekoda shakaamba muntu womwi awomwi waambwa mu Baibo. Maswi akabelengwa kabotu munshila itondesha lushinisho lwa maswi amu Baibo.

Ino bamwi bafubilamo buyani mukusebensesha Baibo ya maswi akalekodwa? Baanji basebensesha Baibo iyi liinji balanyumfwa kabotu abuumbi, mukwiinga kukutika bamakwesu abenankashi bakabelenga palubasu lomwi alomwi lwa bantu baambwa mu Baibo, kulabacafwa kuyeeya akunyumfwishisha kabotu makani alembetwe mu Baibo mbwaakalinga kucitika. (Tu 4:5) Alimwi baanji kukutika Baibo ya maswi akalekodwa kulabacafwa kukalika moyo na balisukama.—Kulu 94:19.

Kunyumfwa Maswi akwe Lesa akalekodwa inga kwatucafwa abuumbi mubuumi bwesu. (2Ma 34:19-21) Na lubasu lwa Baibo ya maswi akalekodwa nabi Baibo yoonse nkoili mumushobo ngomunyumfwisha, amweeleshe kubika bubaambo bwa kwiikutika lyoonse.

AMWEEBELE LUBASU LWA VIDYO ICITE MUTWI UTOKWAAMBA AYI BAIBO YA MASWI AKALEKODWA MBOILEKODWA, LYALO AKUBANDIKA MWIIPUSHO UTOKONKELAAWO:

Ino nciinshi camusangalasha pamakani a Baibo ya maswi akalekodwa mboilekodwa?