Inga Mwacafwa Mukwashi Wanu Kutolelela Kuba Alusangalalo

Yehova alisuni ayi mikwashi inoosangalala. (Kulu 127:3-5; Shi 9:9; 11:9) Nacibi boobo, lusangalalo inga lwamana ceebo ca kulisukama ashintu shamucishi ici alimwi ashilubo shicita bamumukwashi. Ino nshiinshi womwi awomwi wamumukwashi nsheenga wacita kwaamba ayi mumukwashi mutolelele kuba lusangalalo?

Musankwa weebete alapa bulemu mukaakwe. (1Pit 3:7) Alacana ciindi cakuba pomwi amukaakwe. Alalangila shintu mukaakwe nsheenga wacikonsha alimwi akumulumba pa nshaamucitila alimwi anshaacita kucafwa mukwashi. (Kol 3:15) Alamutondesha lusuno mukaakwe akumulumbaisha.​—Tu 31:28, 31.

Mwanakashi weebetwe alabona nsheenga wacafwa ibaye. (Tu 31:12) Alanyumfwila ibaye alimwi akusebenselaakwe pomwi. (Kol 3:18) Alabandika a ibaye cabulemu alimwi akwaamba shibotu pali nguwe.​—Tu 31:26.

Bashali balacana ciindi cakuba pomwi abana babo. (Du 6:6, 7) Balalwiita bana babo ayi balibasuni. (Mt 3:17) Balanyumfwishisha bana babo akubalulika munshila ya lusuno.​—Efe 6:4.

Baana balalemeka bashali babo akubanyumfwila. (Tu 23:22) Balalwiita bashali babo mbobatoyeeya alimwi ambobatolinyumfwa. Balasumina kululikwa kuswa kubashali babo alimwi akubapa bulemu.​—Tu 19:20.

AMWEEBELE VIDYO YACITONDESHO ICITE MUTWI UTOKWAAMBA AYI MUNOOCITA SHEENGA SHAPA KWAAMBA AYI MUBE ALUSANGALALO MUMUKWASHI, LYALO AKUKUMBULA MWIIPUSHO UTOKONKELAAWO:

Ino nshiinshi womwi awomwi nshaakacita kwaamba ayi banoosangalala mumukwashi?