Kushimikila Kulibetele Mumweenshi wa September​—Kulwiita Bantu sha Bwaami Bwakwe Lesa!

Mumweenshi wa September, tulaakweelesha cankusu kushimikila bantu cancine cakwaamba ayi Bwaami bwakwe Lesa bweenkabo mbweshi bukamane mapensho oonse bantu ngobeendaamo. (Mt 24:14) Ino nshiinshi nsheenga mwaciita kwaamba ayi mukaabanemo lubasu? Mumweenshi uyu amukeeleshe kubelengela muntu uli woonse ngweenga mwacaana lilembo lyaamba pa Bwaami bwakwe Lesa. Na muntu watondesha ayi alisuni kwiiya, amumupe Njashi Yamulindilishi yakwaabila ya No. 2 2020. Lyalo amukeeleshe kumufwakashila kapatana kwiinda ciindi cilaamfu, akutalika ciiyo ca Baibo kusebensesha buloshuwa ya Amusangalale Abuumi Kwamuyayaya! Abo boonse beshibakanoosebensa bupainiya bwakucafwilisha mu mweenshi wa September inga basalawo kusebensa mawoola 15 na 30.

Conoonobo Bwaami bwakwe Lesa bulaakunyonyoola mfulumeende shoonse shibupikisha. (Da 2:44; 1Ko 15:24, 25) Atukatondeshe ayi tuli kulubasu lwakwe Yehova a Bwaami bwakwe kwiinda mukusebensesha kabotu coolwe ici cakushimikila kulibetele!