BUUMI BWA BWINEKLISTU

Amucafwe Bantu Batapaili Kushiba Mulengi Wabo

Sa mulawayawaya kushimikila bantu batapaili ceebo cakuyeeya ayi inga tabakutiki makani ngotushimikila? Na mbocibete ubo, mutaluubi ayi kuli baanji bakaba Bakamboni Bakwe Yehova batakalinga kupaila alimwi abatakalinga kushoma ayi Lesa nkwaali. Baanji cakacanika ayi bakalinga kuyandikabo kubacafwa kuyeeya pa bumboni butondesha ayi Lesa nkwaali.—Lo 1:20; 10:14.

AMWEEBELE VIDYO ICITE MUTWI UTOKWAAMBA AYI MUTALUUBI KWAAMBA AYI BANTU BATACITE LUSHOMO—INGA BABA ALUSHOMO!—BANTU BATAPAILI, LYALO AKUKUMBULA MWIIPUSHO UTOKONKELAAWO:

Ino shakacitikila ba Tommaso shamucafwa buyani kushoma ayi bantu batapaili inga basuna kwiiya cancine?

Cikumbulo

Mbweenga mwaciita

Na muntu waamba ayi taashomi muli Lesa, cankumbu alimwi cabusongo amumukalikile moyo akushiba nshayeeya ambwaalinyumfwa pamakani ayo. (2Ti 2:24) Amubandike pamakani ngeenga wasuna kwiiya. Sa alisuni kubandika pa bumboni bwakacafwa bantu baanji kushoma ayi kuli Mulengi? Na alisuni, amusebenseshe mabuku amavidyo aamba pamakani ayo. Buloshuwa ya Was Life Created? alimwi a ya The Origin of Life—Five Questions Worth Asking akeelikwaawo pa mabuku Ngotusebensesha Ndyetutokwiisha kwaamba ayi cinooba cuubu kwaacana.

Mpashi pakutaanguna inga mwaloonda kubandika cancine camu Baibo amuntu utashomi muli Lesa. Na mbocibete ubo, inga mwasenga lucafwo kuli shikushimikila ucite lushibo. Alimwi mutaluubi ayi Yehova inga watucafwa kushika pamoyo bantu balibambite kwiiya nabi kwaamba ayi pakutaanguna inga kabatashomi ayi Lesa nkwaali.—Mili 13:48.