Bantu Bashomeka Balakumanisha Nshobashomesha Cakulumbila

Amubelenge Boomboloshi 11:​30-40 kwaamba ayi mwiiye shiinji pamakani akukumanisha shishomesho, kuswa kucakubonenaako cakwe Jefuta amwanaakwe mwanakashi.

Amubelenge makani oonse. Ino bene Isilaeli bashomeka bakalinga kulinyumfwa buyani pashintu nshobakalinga kushomesha cakulumbila kuli Yehova? (Shakube. 30:2) Ino Jefuta amwanaakwe mwanakashi bakatondesha buyani ayi bakalinga kucite lushomo muli Yehova?—Boombo. 11:​9-11, 19-24, 36.

Amwiiyilewo ashimwi. Ino Jefuta wakalinga kusansulula nshi ndyaakaamba ayi: “Woonse uyo weshi akataangune kuswa muŋanda yangu akuncinsha . . . ndaakumubenga ayi ngumulambu wakutenta kuli ndimwe? (w16.04-CG pe. 6 pala. 12) Ino nshiinshi Jefuta amwanaakwe nshobakalyaaba kucita kwaamba ayi bakumanishe nshebakashomesha Yehova? (w16.04-CG mape. 6-8 mapa. 14-16) Ino nshiinshi Beneklistu nsheenga bashomesha cakulumbila munshiku shino?—w17.04-CG mape. 5-8 mapa. 10-19.

Amuyeeye pa nshomweeya. Amuliipushe ayi:

• ‘Ino nshiinshi sheenga shancafwa kutolelela kusebensela Yehova kweelana ambondakamushomesha?’ (w20.03 pe. 13 pala. 20)

• ‘Ino nshiinshi nsheenga ndalyaaba kucita kwaamba ayi ncite shiinji muncito yakwe Yehova?’

• ‘Ino nshiinshi sheenga shancafwa kutolelela kuba mucikwati angonjebenaakwe kweelana ambondakamushomesha?’ (Mate. 19:​5, 6; Efe. 5:​28-33)