Amufubileemo Mumalifalensi Aba Pakati Nabi Mweela Lya Baibo

Malifalensi aba pakati nabi mweela lya Baibo yakapulintwa ya New World Translation of the Holy Scriptures, alatondesha Baibo nshoyaamba mbosheendelana kwiinda mukutondesha malembo eenga amucafwa kushibilaawo ashimwi pamakani ngomutobelenga. Kwaamba ayi mucane malifalensi aya, mulyeelete kutaanguna kucana libala libambene aliswi. Lyalo na mutosebensesha Baibo yakapulintwa, amucane libale lyeenka ilyo mumalifalensi ali pakati na mweela lya Baibo. Na mwaya pa jw.org na kucalula JW Library^® appu, amutyanke palibala ilyo kwaamba ayi mucane malembo amwi.

Malifalensi aba pakati na mweela lya Baibo inga amucafwa kucana shitokonkelaawo:

Makani Akoshenye: Malifalensi alamutondesha nkweenga mwacana makani eenka ngomutobelenga mulibuku limwi lyamu Baibo. Kucakubonenaako, amubone 2 Samwelo 24:1 a 1 Makani 21:1.

Lilembo Makani Ngomutobelenga Mwaakaswa: Kucakubonenaako, amubone Mateyo 4:4 a Dutolonomi 8:3.

Bushinshimi Bwakakumanishikwa: Lifalensi ilatondesha bushinshimi bwakaambwa ambobwakakumanishikwa. Kucakubonenaako, amubone Mateyo 21:5 a Sekaliya 9:9.