“Kamulibambitebo Lyoonse”

25:1-12

Nabi kwaamba ayi Yesu wakalinga kucenjesha bashikwiiya bakwe bananikitwe ndyakaamba cikoshanyo ca bamyooye likumi, ciiyo cilakuma Beneklistu boonse. (w15-CG 3/15 mape. 12-16) “Paceebo ceeco, kamulibambitebo lyoonse mukwiinga tamushiiwo bushiku nabi ciindi.” (Mate. 25:13) Sa inga mwacikonsha kusansulula cikoshanyo Yesu ncakaamba?

• Shibwiinga (vesi. 1)—Yesu

• Bamyooye bacenjete, bakalinga kulibambite (vesi. 2)—Beneklistu bananikitwe balibambite kukumanisha ncito njebakapekwa cakushomeka alimwi babala mbuli mumuni kushikila kumamanino (Fili. 2:15)

• Maswi akoolobesha: “Ngooyo shibwiinga waashika!” (vesi. 6)—Bumboni bwakubaawo kwakwe Yesu

• Bamyooye baluya (vesi. 8)—Beneklistu bananikitwe bakaya mukutambula Shibwiinga ono sombi tabakwe kwiindilisha kulangila akushomeka

• Bamyooye bacenjete bakaka kwaaba mafuta abo (vesi. 9)—Pesule lya kushinishikwa kwakweelaako kwa bananikitwe, ncintu ciyumu kwaamba ayi bananikitwe bashomeka bacafwe uli woonse uyo wakacileka kushomeka

• “Shibwiinga wakapoola” (vesi. 10)—Yesu wesa mukoombolosha ciindi mapensho anene ndyabete pafwiifwi kumana

• Bamyooye bacenjete, bakalinga kulibambite, bakenjilaakwe shibwiinga muŋanda yabwiinga akucala kumulyaango (vesi. 10)—Yesu wabunganika bananikitwe bakwe bashomeka akuyaabo kwiculu, ono batashomeki basowa coolwe cakuya kwiculu