Sheenga Shatucafwa Kushimikila Kabotu​—Kucileka Kuya Kushiiyo sha Baibo Shitatooya Panembo

NCOCIYANDIKILA: Bantu balyeelete kwiita paliina lyakwe Yehova kwaamba ayi bakapuluke. (Loma. 10:13, 14) Nacibi boobo, bamwi balasuminabo kwiiya Baibo sombi tabakonkeli njiisho shakwe Yehova. Inga cabota kubikila maano kukucafwa baabo basuni kwaalula buumi bwabo kwaamba ayi basangalashe Yehova. Na shikwiiya Baibo tatooya panembo kwaciindi cilaamfu, cili kabotu kucileka kwiiyaakwe akubikila maano kubaabo Yehova mbwaatosenya kuli nguwe alibunga lyakwe. (Joni 6:44) Nacibi boobo, na kunembo waalula buumi bwakwe akutondesha ayi uli mbuli baabo ‘balibambite kutambula buumi butamani,’ inga twatalika alimwi kwiiyaakwe.—Mili. 13:48.

MBWEENGA MWACIITA:

• Amumulumbe shikwiiya ceebo cakusuna kuba alushibo lwancinencine.—1 Timo. 2:4

• Amumucaafwe kushiba kuyandika kwa kukonkela nshaiiya.—Luka 6:46-49

• Amubandike akwe cikoshanyo ca shikushanga mbuto cakaamba Yesu, lyalo amumulwiite ayi ayeeye citoomupa kwaamba ayi atanookonkela nshatokwiiya.—Mate. 13:18-23

• Camaano amumusansulwite ncomutoocilekela kwiiyaakwe

• Amumushibishe ayi mulaakunomufwakashilaako cimwi ciindi kwaamba ayi mumuyuminishe alimwi na akatalike kuya panembo inga mwatalika kwiiyaakwe alimwi

AMWEEBELE VIDYO AKUBANDIKA MIIPUSHO ITOKONKELAAWO:

• Ino nshiinshi mumubandi uyu shatondesha ayi shikwiiya tatooya panembo lwakumushimu?

• Ino shikushimikila wamucafwa buyani shikwiiya kunyumfwisha kwaamba ayi alyeelete kwaalula buumi bwakwe?

• Ino shikushimikila watondesha buyani ayi ciiyo inga catalika alimwi kunembo?