24 Bwe baagenda mu lusiisira lw’Abayisirayiri, Abayisirayiri ne basituka ne batandika okubatta, Abamowaabu ne babadduka.+ Abayisirayiri ne babawondera okutuukira ddala e Mowaabu nga bagenda babatta. 25 Baazikiriza ebibuga, era buli muntu yakasuka ejjinja mu buli kibanja ekirungi, ne kijjula amayinja; baaziba buli nsulo ya mazzi,+ era ne batema buli muti omulungi.+ Bbugwe ow’amayinja ow’ekibuga Kiri-kalesesi+ ye yekka eyasigalawo, era ab’envuumuulo baakyetooloola ne bakizikiriza.