• Yeremiya 6:13, 14
    Bayibuli Enkyusa ey’Ensi Empya

    • 13 “Bonna, okuva ku asembayo okuba owa wansi okutuuka ku asinga okuba ow’ekitiibwa, beefunira ebintu mu makubo amakyamu;+

      Bannabbi ne bakabona bonna si ba mazima.+

      14 Abantu bange abalina obuvune babawonya kungulu kwokka nga bagamba nti,

      ‘Waliwo emirembe! Waliwo emirembe!’

      So ng’ate tewali mirembe.+

  • Yeremiya 14:13
    Bayibuli Enkyusa ey’Ensi Empya

    • 13 Awo ne ŋŋamba nti: “Ai Yakuwa Mukama Afuga Byonna! Laba, bannabbi babagamba nti, ‘Temujja kuba na lutalo, wadde enjala, naye Katonda ajja kubawa emirembe egya nnamaddala mu kifo kino.’”+

  • Yeremiya 23:16, 17
    Bayibuli Enkyusa ey’Ensi Empya

    • 16 Bw’ati Yakuwa ow’eggye bw’agamba:

      “Temuwuliriza bigambo bannabbi bye babagamba.+

      Babalimba.*

      Okwolesebwa kwe boogerako kuva mu mitima gyabwe,+

      So si mu kamwa ka Yakuwa.+

      17 Enfunda n’enfunda bagamba abo abatanzisaamu kitiibwa nti,

      ‘Yakuwa agambye nti: “Mujja kuba mu mirembe.”’+

      Era abo bonna abagugubira ku ky’okugoberera emitima gyabwe emikakanyavu babagamba nti,

      ‘Tewali kabi kajja kubatuukako.’+