6 Tuwulidde ku malala ga Mowaabu—alina amalala mangi nnyo+—

Okwekulumbaza kwe n’amalala ge n’ekiruyi kye;+

Naye ebigambo bye ebitaliimu nsa tebirituukirira.

10 Kubanga omukono gwa Yakuwa gulibeera ku lusozi luno,+

Era Mowaabu alirinnyirirwa mu kifo kye+

Ng’ebisubi bwe birinnyirirwa mu ntuumu y’ebigimusa.

11 Aligolola omukono gwe n’akuba Mowaabu

Ng’omuntu awuga bw’akuba amazzi n’emikono gye,

Era alikkakkanya amalala ge+

Ng’akozesa emikono gye mu ngeri ey’obukugu.

 9 N’olwekyo, nga bwe ndi omulamu,” Yakuwa ow’eggye, Katonda wa Isirayiri, bw’agamba,

“Mowaabu erifuuka nga Sodomu,+

N’Abaamoni balifuuka nga Ggomola,+

Ekifo ekyameramu omwennyango, ekinnya eky’omunnyo, era amatongo ag’olubeerera.+

Abantu bange abalisigalawo balibinyaga,

Abalisigalawo ku ggwanga lyange balibitwala.

10 Ekyo kye balisasulwa olw’amalala gaabwe,+

Kubanga baavuma era ne beeguluumiriza ku bantu ba Yakuwa ow’eggye.