Zabbuli
Eri akubiriza eby’okuyimba; ya ku “Mpeewo ey’Oku Makya Ennyo nga Busaasaana.”* Zabbuli ya Dawudi.
22 Katonda wange, Katonda wange, lwaki onjabulidde?+
Lwaki ombeera wala n’otonnyamba,
N’otowulira kukaaba kwange nga ndi mu bulumi?+
2 Katonda wange, nkukoowoola emisana naye n’otoddamu;+
N’ekiro sisirika.
6 Naye nze ndi lusiriŋŋanyi, siri muntu,
Abantu bampisaamu amaaso era bannyooma.+
7 Bonna abandaba bansekerera;+
Beenyinyimbwa era banyeenya emitwe gyabwe olw’obunyoomi nga bagamba nti:+
8 “Yeesiga Yakuwa, kale k’amununule!
K’amulokole kubanga amwagala nnyo!”+
9 Ggwe wanzigya mu lubuto,+
Ggwe wandeetera obutabaako kye nneeraliikirira nga ndi ku mabeere ga mmange.
10 Okuva lwe nnazaalibwa, ggwe gwe nnakwasibwa okundabirira;*
Okuviira ddala mu lubuto lwa mmange, ggwe Katonda wange.
14 Nfukibwa ng’amazzi;
Amagumba gange gonna gasowose.
15 Amaanyi gange gakaze ng’oluggyo;+
Olulimi lwange lukwatira ku kibuno kyange;+
Onzisa wansi mu nfuufu y’okufa.+
Zintaayiza ng’ekibinja ky’abakozi b’ebibi,+
Okufaananako empologoma, ziri ku mikono gyange n’ebigere byange.+
17 Nsobola okubala amagumba gange gonna.+
Batunula ne banneekaliriza.
19 Ai Yakuwa, tobeera wala.+
Ggwe maanyi gange; yanguwa onnyambe.+
20 Mponya ekitala,
Obulamu bwange obw’omuwendo buwonye embwa ezinnumba.+
23 Mmwe abatya Yakuwa, mumutendereze!
Mmwe mmwenna ezzadde lya Yakobo, mumuwe ekitiibwa!+
Mumutye mmwe mmwenna ezzadde lya Isirayiri.
Bwe yamukaabirira amuyambe, yawuliriza.+
25 Nja kukutendereza mu kibiina ekinene;+
Nja kusasula obweyamo bwange mu maaso g’abo abamutya.
Ka banyumirwe obulamu* emirembe gyonna.
27 Ensi yonna ejja kujjukira edde eri Yakuwa.
Ebika byonna eby’omu mawanga bijja kuvunnama mu maaso go.+
28 Yakuwa ye Kabaka;+
Afuga amawanga.
29 Abagagga* bonna ab’omu nsi bajja kulya era bajja kuvunnama;
Abo bonna abakka mu nfuufu bajja kufukamira mu maaso ge;
Tewali n’omu ku bo ayinza kuwonyaawo bulamu bwe.
30 Bazzukulu baabwe balimuweereza;
Omulembe oguliddawo gulitegeezebwa ebikwata ku Yakuwa.
31 Balijja ne boogera ku butuukirivu bwe.
Balibuulira abantu abatannazaalibwa ebyo bye yakola.