Zabbuli
EKITABO EKY’OKUBIRI
(Zabbuli 42-72)
Eri akubiriza eby’okuyimba. Masukiri* y’abaana ba Koola.+
42 Ng’empeewo bw’eyaayaanira amazzi,
Nange bwe ntyo bwe nkuyaayaanira, Ai Katonda.
2 Omwoyo gunnumira Katonda, Katonda omulamu.+
Ndijja ddi ne ndabika mu maaso ga Katonda?+
3 Amaziga gange ye mmere yange emisana n’ekiro;
Abantu bankudaalira okuzibya obudde nga bagamba nti “Katonda wo ali ludda wa?”+
4 Bwe nzijukira ebintu bino, muli mpulira nga nsaanuuka nzigwaawo:
Nnatambulanga n’ekibiina;
Nnatambulanga mpolampola nga mbakulembeddemu okugenda mu nnyumba ya Katonda,
Nga twogerera waggulu n’amaloboozi ag’essanyu era ag’okwebaza
Ng’ag’ekibiina ky’abantu abali ku mbaga.+
Lwaki ndi mweraliikirivu bwe nti?
6 Ai Katonda wange, mpeddemu essuubi.+
Eyo ye nsonga lwaki nkujjukirira+
Mu nsi ya Yoludaani ne ku ntikko za Kerumooni,
Ne ku Lusozi Mizali.*
7 Obuziba bukoowoola obuziba
Ebiyiriro byo bwe biyira.
Amayengo go gonna ageefuukuula gambuutikidde.+
8 Emisana Yakuwa ajja kundaganga okwagala kwe okutajjulukuka,
Ate ekiro nja kuyimba ebimukwatako, era nja kusaba Katonda ampa obulamu.+
9 Nja kugamba Katonda olwazi lwange nti:
“Lwaki onneerabidde?+
Lwaki ntambula nga ndi munakuwavu olw’okubonyaabonyezebwa omulabe wange?”+
10 Nga balina obukyayi obw’ekitalo* abalabe bange bankudaalira;
Bankudaalira okuzibya obudde nga bagamba nti: “Katonda wo ali ludda wa?”+
11 Lwaki mpeddemu essuubi?
Lwaki ndi mweraliikirivu bwe nti?