Koseya

 2 Muvunaane nnyammwe; mumuvunaane,

Kubanga si mukazi wange+ era nange siri bbaawe.

Alina okweggyamu obwamalaaya

N’okuggya obwenzi wakati w’amabeere ge,

 3 Nneme kumwambula kumuleka bukunya, ne mmufuula nga bwe yali ku lunaku lwe yazaalibwa,

Ne mmufuula ng’eddungu,

Ne mmufuula ng’ensi etaliimu mazzi,

Era ne mmuleetera okufa olw’ennyonta.

 4 Abaana be siribasaasira,

Kubanga baana abaazaalibwa mu bwamalaaya.

Oyo eyabasitula mu nda ye akoze ebiswaza.+ Agambye nti,

‘Njagala kugenda eri baganzi bange,+

Abo abampa emmere n’amazzi,

N’engoye ez’ebyoya by’endiga n’eza kitaani, era abampa amafuta n’eby’okunywa.’

 6 Kyendiva nteeka amaggwa mu kkubo lye ne ndiziba;

Era ne mmuzimbako ekikomera eky’amayinja,

Aleme kulaba makubo ge.

 7 Aligoberera baganzi be naye talibasanga;+

Alibanoonya naye talibazuula.

Era aligamba nti, ‘Nja kuddayo eri omwami wange eyasooka,+

Kubanga mu biseera ebyo nnali bulungi okusinga bwe ndi kati.’+

 8 Teyakiraba nti nze nnamuwanga emmere,+ n’omwenge omusu, n’amafuta,

Era nti nze nnamuwanga ffeeza mu bungi,

Ne zzaabu, bye baakozesanga mu kusinza Bbaali.+

 9 ‘Kale ndikomawo ne mmuggyako emmere yange

N’omwenge gwange mu kiseera eky’amakungula,+

Era ndimuggyako n’engoye zange ez’ebyoya by’endiga n’eza kitaani ezandibisse ku bwereere bwe.

10 Ndimwambula baganzi be ne balaba ebitundu bye eby’ekyama,

Era tewali musajja alisobola okumununula mu mukono gwange.+

“Bino ye mpeera yange baganzi bange gye bampa”;

Ndibifuula kibira,

Era ensolo ez’omu nsiko ziribirya.

13 Ndimuvunaana olw’ennaku ze yamala ng’awaayo ssaddaaka eri ebifaananyi bya Bbaali,+

Era ng’ayambala empeta n’amajolobero n’agenda eri baganzi be,

Naye nze n’anneerabira,’+ Yakuwa bw’agamba.

14 ‘Kale, ndimubembeekereza,

Ndimutwala mu ddungu,

Era ndyogera naye mu ngeri ey’ekisa.

15 Okuva ku olwo ndimuddiza ennimiro ze ez’emizabbibu,+

Era aliyingira mu nsi ey’essuubi ng’ayitira mu Kiwonvu Akoli;+

Alimpitabira eyo nga bwe yakolanga mu kiseera eky’obuvubuka bwe,

Era nga bwe yakola ku lunaku lwe yava mu nsi ya Misiri.+

16 Ku lunaku olwo olimpita Mwami,

So toliddamu kumpita Mukama Wange,’* Yakuwa bw’agamba.

17 ‘Ndiggya amannya g’ebifaananyi bya Bbaali mu kamwa ke,+

Era amannya gaabyo tegaliddamu kujjukirwa nate.+

18 Ku lw’abantu bange ndikola endagaano ku lunaku olwo n’ensolo ez’omu nsiko,+

N’ebinyonyi ebibuuka mu bbanga, n’ebyewalula eby’oku ttaka;+

Era ndimalawo omutego, n’ekitala, n’entalo mu nsi,+

Era ndibaleetera okubeera mu mirembe.+

19 Ndikola naawe endagaano y’obufumbo ey’emirembe gyonna,

Era ndikola naawe endagaano y’obufumbo mu butuukirivu ne mu bwenkanya,

Mu kwagala okutajjulukuka ne mu kusaasira.+

20 Ndikola naawe endagaano y’obufumbo mu bwesigwa;

Era olimanya Yakuwa.’+

21 ‘Ku lunaku olwo ndyanukula,’ Yakuwa bw’agamba,

‘Ndyanukula eggulu,

Eggulu ne lyanukula ensi;+

22 Ensi n’eyanukula emmere n’omwenge omusu n’amafuta,

Ate byo ne byanukula Yezuleeri.*+

23 Ndimusiga ng’ensigo zange mu nsi,+

Era ndisaasira oyo ataasaasirwa,*

Era ndigamba abo abatali bantu bange* nti: “Muli bantu bange,”+

Nabo baligamba nti: “Oli Katonda waffe.”’”+