Zabbuli
Eri akubiriza eby’okuyimba. Zabbuli ya Dawudi, ya kujjukiza.
70 Ai Katonda, ndokola,
Ai Yakuwa, yanguwa onnyambe.+
2 Abo abaagala okunzita
Ka bakwatibwe ensonyi era baswale.
Abo abasanyukira ennaku yange
Ka baddeyo emabega nga bafeebezeddwa.
3 Abo abagamba nti: “Otyo!”
Ka bazzibwe ennyuma nga baswadde.
4 Naye abo abakunoonya
Ka basanyuke era bajagulize mu ggwe,+
Abo abaagala ebikolwa byo eby’obulokozi ka bulijjo bagambenga nti:
“Katonda agulumizibwe.”