Omubuulizi
1 Ebigambo by’omubuulizi,*+ mutabani wa Dawudi, eyali kabaka mu Yerusaalemi.+
2 Omubuulizi agamba nti: “Butaliimu!”
“Butaliimu! Byonna butaliimu!”+
3 Omuntu aganyulwa ki mu kukola ennyo,
Mu mirimu gyonna gy’afuba okukola wansi w’enjuba?+
6 Empewo egenda ebukiikaddyo ate n’ekyuka n’egenda ebukiikakkono;
Egenda yeetooloola obutasalako; egenda ate n’edda.
7 Emigga* gyonna gikulukutira mu nnyanja, naye ennyanja tejjula.+
Mu kifo emigga we giva, we gidda ne giddamu okukulukuta.+
8 Ebintu byonna bikooya;
Tewali ayinza kubyogerako.
Eriiso terimatira kulaba;
N’okutu tekukoowa kuwulira.
10 Waliwo ekintu kyonna omuntu ky’ayinza okugamba nti, “Laba, kino kipya”?
Ekintu ekyo kiba kyaliwo dda;
Kiba kyaliwo nga ffe tetunnabaawo.
11 Tewali ajjukira bantu abaaliwo mu biseera eby’edda;
Tewali ajja kujjukira abo abanaddawo;
Ate nabo tebalijjukirwa abo abaliddawo oluvannyuma.+
12 Nze omubuulizi nnali kabaka wa Isirayiri mu Yerusaalemi.+ 13 Nnassaayo omutima okunoonyereza n’amagezi+ ku byonna ebikoleddwa wansi w’eggulu+—ebintu byonna ebinakuwaza, Katonda by’awadde abaana b’abantu okukola.
15 Ekyakyama tekisoboka kugololwa,
N’ekitaliiwo tekisoboka kubalibwa.
16 Nnayogera mu mutima gwange nti: “Laba! Nfunye amagezi mangi okusinga bonna abansookawo mu Yerusaalemi,+ era omutima gwange gufunye amagezi mangi n’okumanya.”+ 17 Nnassaayo omutima okumanya ebikwata ku magezi, n’okumanya eddalu,* era n’okumanya obusirusiru,+ ne ndaba nga nabyo kuba kugoba mpewo.