Zabbuli
Eri akubiriza eby’okuyimba. Zabbuli y’abaana ba Koola.+
49 Muwulire kino mmwe amawanga gonna.
Musseeyo omwoyo mmwe mmwenna abali mu nsi,*
2 Ab’ekitiibwa n’abatali ba kitiibwa,*
Abagagga n’abaavu.
3 Akamwa kange kajja kwogera eby’amagezi,
N’okufumiitiriza kw’omutima gwange+ kujja kwoleka okutegeera.
4 Nja kwekkaanya olugero;
Nja kunnyonnyola ekikokyo kyange nga bwe nsuna entongooli.
5 Lwaki nnanditidde mu biseera ebizibu,+
Nga nneetooloddwa ensobi z’abo abagezaako okunsuula?
6 Abo abeesiga obugagga bwabwe,+
Era abeewaana olw’eby’obugagga byabwe ebingi,+
7 Tewali n’omu ku bo ayinza kununula muganda we
Wadde okumuweerayo eri Katonda ekinunulo,+
8 (Omuwendo ogusobola okununula obulamu bwabwe munene nnyo
Ne kiba nti tebasobola kugwesasulira);
10 Buli omu akiraba nti n’ab’amagezi bafa;
Abasirusiru n’abatalina magezi bazikiririra wamu,+
Obugagga bwabwe ne babulekera abalala.+
11 Emitima gyabwe gyagala ennyumba zaabwe zibeerewo emirembe n’emirembe,
Weema zaabwe zibeerewo emirembe gyonna.
Amataka gaabwe bagatuumye amannya gaabwe.
13 Eryo lye kkubo ly’abasirusiru,+
N’abo ababagoberera, abasanyukira ebigambo byabwe ebitaliimu. (Seera)
14 Basindikiddwa emagombe* ng’endiga ezigenda okuttibwa.
Okufa kwe kunaabeeranga omusumba waabwe;
Abagolokofu be bajja okubafuga+ ku makya.
16 Totya omuntu bw’agaggawala,
Oba ekitiibwa ky’ennyumba ye bwe kyeyongera.
18 Ng’akyali mulamu yeewaana.+
(Abantu bakutendereza bw’ogaggawala.)+
19 Naye alwaddaaki ne yeegatta ku mulembe gwa bajjajjaabe.
Tebaliddamu kulaba kitangaala.
20 Omuntu atategeera kino, ne bw’aba wa kitiibwa,+
Tasinga nsolo ezisaanawo.