Zabbuli
Eri akubiriza eby’okuyimba. Zabbuli ya Dawudi.
13 Ai Yakuwa, olituusa wa okunneerabira? Mirembe gyonna?
Olituusa wa okunneekweka?+
2 Ndituusa wa okweraliikirira,
N’okuba n’ennaku mu mutima gwange buli lunaku?
Omulabe wange alituusa wa okunkajjalako?+
3 Ntunuulira onziremu, Ai Yakuwa Katonda wange.
Amaaso gange gawe ekitangaala nneme okufa,*
4 Omulabe wange aleme kugamba nti: “Mmuwangudde!”
Tokkiriza balabe bange kusanyuka nga ngudde.+
5 Nneesiga okwagala kwo okutajjulukuka;+
Omutima gwange gujja kusanyukira ebikolwa byo eby’obulokozi.+
6 Nja kuyimbira Yakuwa olw’okuba ankoledde ebirungi bingi.+