Ezeekyeri
28 Yakuwa era n’ayogera nange n’aŋŋamba nti: 2 “Omwana w’omuntu, gamba omufuzi w’e Ttuulo nti, ‘Bw’ati Yakuwa Mukama Afuga Byonna bw’agamba:
“‘“Olw’okuba omutima gwo gufunye amalala,+ ogamba nti, ‘Ndi katonda.
Ntudde ku ntebe ya katonda wakati mu nnyanja.’+
Naye oli muntu buntu toli katonda,
Wadde nga mu mutima gwo olowooza nti oli katonda.
3 Laba! Olowooza nti oli wa magezi okusinga Danyeri.+
Olowooza nti tewali kyama kikukwekeddwa.
4 Ogaggawadde olw’amagezi go n’okutegeera kwo,
Era otereka zzaabu ne ffeeza mu mawanika go.+
5 Wagaggawala nnyo+ olw’obukugu bw’olina mu by’obusuubuzi,
Era omutima gwo gwafuna amalala olw’obugagga bwo.”’
6 “‘Kale bw’ati Yakuwa Mukama Afuga Byonna bw’agamba:
“Olw’okuba mu mutima gwo olowooza nti oli katonda,
7 ŋŋenda kukusindikira abagwira, abasingayo obukambwe mu mawanga,+
Era bajja kusowolayo ebitala byabwe babyolekeze ebintu byonna ebirungi amagezi go bye gaafuna,
Era bayonoone obulungi bwo.+
9 Oyo anaakutta onooba osobola okumugamba nti, ‘Ndi katonda’?
Mu mukono gw’abo abakutyoboola, ojja kuba muntu buntu so si katonda.”’
10 “‘Ojja kuttibwa abagwira, ofe ng’atali mukomole,
Kubanga nze nkyogedde,’ bw’ayogera Yakuwa Mukama Afuga Byonna.”
11 Yakuwa era n’ayogera nange n’aŋŋamba nti: 12 “Omwana w’omuntu, yimba oluyimba luno olw’okukungubaga olukwata ku kabaka wa Ttuulo, omugambe nti, ‘Bw’ati Yakuwa Mukama Afuga Byonna bw’agamba:
13 Wali obeera mu Edeni, olusuku lwa Katonda.
Wali otonaatoneddwako buli jjinja ery’omuwendo omungi
—Yodemu, topazi, yasepi;
Kirisoliti, sokamu, yasipero; safiro, nofeki,+ ne zumaliidi;
Era gaali gateekeddwa mu bufuleemu obwa zzaabu.
Gaategekebwa ku lunaku lwe watondebwa.
14 Nnakulonda okuba kerubi omukuumi eyafukibwako amafuta.
Wali obeera ku lusozi lwa Katonda olutukuvu,+ era watambuliranga mu mayinja agaaka omuliro.
15 Tewaliiko kya kunenyezebwa mu makubo go okuva ku lunaku lwe watondebwa
Okutuusa lwe watandika okukola ebitali bya butuukirivu.+
16 “‘“Olw’okuba weenyigira nnyo mu by’obusuubuzi,+
Wajjula ebikolwa eby’obukambwe n’otandika okwonoona.+
Nja kulekera awo okukutwala ng’omutukuvu nkugobe ku lusozi lwa Katonda era nkuzikirize,+
Nkuggye mu mayinja agaaka omuliro, ggwe kerubi omukuumi.
17 “‘“Omutima gwo gwafuna amalala olw’obulungi bwo.+
Wayonoona amagezi go olw’obulungi bwo.+
Nja kukusuula ku nsi.+
Nja kukufuula ekyerolerwa mu maaso ga bakabaka.
18 “‘“Olw’ebibi byo ebingi n’olw’obukumpanya bwo mu by’obusuubuzi, ovvodde ebifo byo ebitukuvu.
Nja kukuma omuliro mu ggwe gukwokye.+
Nja kukufuula vvu ku nsi mu maaso g’abo bonna abakulaba.
19 Abantu bonna abakumanyi bajja kukutunuulira beewuunye.+
Enkomerero yo ejja kujja mangu era ejja kuba ya ntiisa,
Era tojja kuddamu kubaawo emirembe n’emirembe.”’”+
20 Yakuwa era n’ayogera nange n’aŋŋamba nti: 21 “Omwana w’omuntu, tunula e Sidoni+ olangirire ebinaakituukako. 22 Gamba nti, ‘Bw’ati Yakuwa Mukama Afuga Byonna bw’agamba:
“Kaakano ndi mulabe wo ggwe Sidoni, era nja kugulumizibwa mu ggwe;
Era abantu bonna bajja kumanya nti nze Yakuwa bwe nnaakubonereza era ne ntukuzibwa okuyitira mu ggwe.
23 Nja kukusindikira endwadde era omusaayi gujja kukulukutira mu nguudo zo.
Abanattibwa bajja kugwa mu ggwe ng’ekitala kikulumbye okuva ku njuyi zonna;
Bajja kumanya nti nze Yakuwa.+
24 “‘“Era ennyumba ya Isirayiri tejja kuddamu kwetooloolwa emiyonza n’amaggwa agafumita,+ abo ababajooga; era abantu bajja kumanya nti nze Yakuwa Mukama Afuga Byonna.”’
25 “‘Bw’ati Yakuwa Mukama Afuga Byonna bw’agamba: “Bwe nnaddamu ne nkuŋŋaanya ab’ennyumba ya Isirayiri okuva mu mawanga mwe baasaasaanira,+ nja kutukuzibwa mu bo mu maaso g’amawanga.+ Era bajja kubeera mu nsi+ gye nnawa omuweereza wange Yakobo.+ 26 Bajja kugibeeramu nga bali mu mirembe,+ bazimbe amayumba era basimbe ennimiro z’emizabbibu,+ era bajja kubeera mu mirembe bwe nnaabonereza abo bonna ababeetoolodde ababajooga;+ era bajja kumanya nti nze Yakuwa Katonda waabwe.”’”