Isaaya

Endabika ye si ya kikungu, era si wa kitiibwa;+

Era bwe tumutunuulira, endabika ye tetusikiriza.

 3 Yanyoomebwa era abantu baamwewala;+

Muntu eyali amanyi* obulumi n’obulwadde.

 4 Mazima ddala yeetikka obulwadde bwaffe,+

Era yasitula obulumi bwaffe.+

 5 Kyokka yafumitibwa+ olw’ebyonoono byaffe;+

Yabonyaabonyezebwa olw’ensobi zaffe.+

Yabonerezebwa tube n’emirembe,+

Era olw’ebiwundu bye twawonyezebwa.+

 6 Ffenna twawaba ng’endiga,+

Buli omu yakwata kkubo lye,

Era ensobi zaffe ffenna Yakuwa yaziteeka ku ye.+

 7 Yatulugunyizibwa+ era yakkiriza okubonyaabonyezebwa,+

Naye teyayasamya kamwa ke.

Yaleetebwa ng’omwana gw’endiga okuttibwa,+

Yalinga endiga bw’esirika nga bagisalako ebyoya,

Era teyayasamya kamwa ke.+

 8 Yatulugunyizibwa* era n’atwalibwa nga tasaliddwa musango mu bwenkanya;

Ani alifaayo okumanya ebikwata ku nsibuko ye?*

Kubanga yaggibwa mu nsi y’abalamu;+

Yattibwa olw’ebyonoono by’abantu bange.+

 9 Yaziikibwa wamu* n’ababi,+

Era n’abagagga* mu kufa kwe,+

Wadde nga yali talina kibi ky’akoze*

Era nga mu kamwa ke temuli bulimba.+

Bw’oliwaayo obulamu bwe ng’ekiweebwayo olw’omusango,+

Aliraba ezzadde lye, alyongera ku bungi bw’ennaku ze,+

Era okuyitira mu ye ebyo Yakuwa by’ayagala birituukirira.+

Olw’ebyo by’amanyi, omutuukirivu, omuweereza wange,+

Alisobozesa abantu bangi okuba abatuukirivu,+

Era alyettika ensobi zaabwe.+

12 Olw’ensonga eyo ndimuwa omugabo mu bangi,

Era aligabana omunyago n’ab’amaanyi,

Kubanga yawaayo obulamu bwe*+

Era yabalirwa wamu n’aboonoonyi;+

Yeetikka ebibi by’abantu bangi,+

Era yawolereza aboonoonyi.+