Zabbuli
Eri akubiriza eby’okuyimba; ku Yedusuni.* Zabbuli ya Asafu.+ Oluyimba.
77 Nja kukoowoola Katonda n’eddoboozi lyange;
Nja kukoowoola Katonda, era ajja kumpulira.+
2 Olunaku lwe mbeera mu buyinike nnoonya Yakuwa.+
Ekiro nnyimusa emikono gyange gy’ali awatali kugissa.
Sisobola kubudaabudibwa.
4 Toganya maaso gange kuzibirira;
Nnina ennaku era sisobola kwogera.
5 Ndowooza ku nnaku ez’edda,+
Ndowooza ku myaka egy’edda ennyo.
6 Ekiro nzijukira oluyimba lwange;+
Nfumiitiriza mu mutima gwange,+
Nnoonyereza* n’obwegendereza nsobole okutegeera.
7 Yakuwa alitusuula eri emirembe n’emirembe?+
Taliddamu kutulaga kisa?+
8 Okwagala kwe okutajjulukuka kuggwereddewo ddala?
Kye yasuubiza tekirituukirira emirembe n’emirembe?
9 Katonda yeerabidde okulaga ekisa,+
Oba obusungu bwe bumuleetedde okulekera awo okulaga obusaasizi? (Seera)
10 Ŋŋambenga nti: “Kino kye kinnakuwaza:*+
Oyo Asingayo Okuba Waggulu agaanye okutuyamba?”
11 Nja kujjukiranga ebikolwa bya Ya;
Nja kujjukiranga ebintu ebyewuunyisa bye wakolanga edda.
12 Nja kulowoozanga ku bikolwa byo byonna,
Era nja kufumiitirizanga ku bye wakola.+
13 Ai Katonda, amakubo go matukuvu.
Ai Katonda, eriyo katonda omukulu nga ggwe?+
14 Ggwe Katonda ow’amazima akola ebyewuunyisa.+
Oyolesezza amaanyi go eri amawanga.+
16 Ai Katonda, ennyanja yakulaba;
Ennyanja yakulaba n’esiikuuka.+
Obuziba bw’ennyanja bwafuukuuka.
17 Ebire byafukumula amazzi.
Eggulu eryali likutte ebire lyabwatuka,
Obusaale bwo ne buyitiŋŋana.+