Zabbuli

123 Nnyimusa amaaso gange ne ntunula gy’oli,+

Ggwe atudde ku ntebe ey’obwakabaka mu ggulu.

 2 Ng’amaaso g’abaweereza bwe gatunuulira omukono gwa mukama waabwe,

Era ng’amaaso g’omuzaana bwe gatunuulira omukono gwa mukama we,

N’amaaso gaffe bwe gatyo bwe gatunuulira Yakuwa Katonda waffe+

Okutuusa lw’anaatulaga ekisa.+

 3 Tulage ekisa, Ai Yakuwa, tulage ekisa,

Kubanga tunyoomeddwa nnyo.+

 4 Abeekulumbaza batusekeredde nnyo,

N’ab’amalala batunyoomye nnyo.